Fanatu ki te fakasologa

Fanatu ki te fakasologa o mataupu

 KE OLA E PELĀ ME NE KELISIANO

Tu ‵Mautakitaki me ko Pili Mai te Gataga

Tu ‵Mautakitaki me ko Pili Mai te Gataga

TE POGAI E TĀUA I EI: Ko pili o ‵tupu a mea fakaofoofogia kolā ka tofotofo aka i ei te ‵tou loto malosi mo te ‵tou tali‵tonu ki a Ieova. A te fakalavelave lasi ka kamata ki te fakaseaiga o lotu ‵se. (Mat 24:21; Fks 17:16, 17) I te taimi tenā, ka tuku atu i ei ne tatou se fekau o te fakamasinoga telā e manakogina i ei te loto malosi. Ka fakafesagai tatou ki te osomaiga o Koka mai Makoka (Esk 38:10-12, 14-16) Ke puipui ana tino, ka kamata ne Ieova “te taua i te aso lasi o te Atua Malosi Katoatoa.” (Fks 16:14, 16) Ke fakamalosi aka ‵tou loto malosi ona ko mea ‵tupu konei, e manakogina ke tu ‵mautakitaki tatou i te taimi e tofotofo i ei ‵tou fakatuanaki.

TE AUALA KE FAI I EI:

  • Ke loto malosi o fakamaluga a tulaga o Ieova i mea tau amioga.—Isa 5:20

  • Ke tumau i te tapuaki fakatasi mo taina Kelisiano.—Epe 10:24, 25

  • Ke toka o fakalogo ki te takitakiga a Ieova e auala i tena fakapotopotoga.—Epe 13:17

  • Mafaufau ‵loto ki te auala ne faka‵sao ne Ieova ana tino i taimi ko ‵teka.—2Pe 2:9

  • ‵Talo ki a Ieova kae talitonu ki a ia.—Sal 112:7, 8

KE ONOONO KI TE VITIO KO TE MEA ‵TUPU I ASO MAI MUA KOLĀ E MANAKOGINA I EI TE LOTO MALOSISE VAEGA I EI, KO TALI I EI A FESILI KONEI:

  • Ne tofotofo pefea te faka‵logo o nisi tino talai i se fakapotopotoga, i te taimi ne ‵kau fakatasi latou mo nisi fakapotopotoga?

  • E ati aka pefea ne tatou te loto malosi mai te faka‵logo?

  • Kaia e manakogina i ei ne tatou te loto malosi māfai ko oko mai Amaketo?

  • Ke na fakatoka nei ki mea ‵tupu i aso mai mua kolā e manakogina i ei te loto malosi

    Se a te tala i te Tusi Tapu e fesoasoani mai ke fakatuanaki tatou ki te malosi faka‵sao tino o Ieova?—2No 20:1-24