E fakaasi mai i te fakaasiga a Esekielu ki te faletapu me e fai ne tino o Ieova a taulaga meaalofa. E ofo atu pefea ne tatou a taulaga o tavaega?​—Epe 13:15, 16.

A te ‵toe auala ‵lei ko te tavini atu e pelā me se paenia lagolago. E aofia i te tausaga faka-te-taviniga ko te 2018 a nai masina kolā e taki lima a Aso Ono mo Aso Sa. E fesoasoani mai te mea tenei maise eiloa ki tino kolā e ga‵lue tumau i galuega ‵togi kae ‵kau atu ki te galuega talai i fakaotiga fua o vaiaso. E se gata fua i ei, e mafai o filifili ne tino talai ke paenia mō se 30 io me se 50 itula i masina o Mati mo Apelila mo asiga a ovasia o te fenua.

Kae e a māfai e se mafai o paenia lagolago tatou? E mafai o taumafai tatou ke momea aka te ‵lei o ‵tou galuega talai kae kāti e penā foki loa mo ‵tou ata‵mai. Faitalia me ne a ‵tou fakanofonofoga, ke na fakamalosi aka tatou ne te alofa ki a Ieova ke ofo atu ne tatou ki a ia te ‵toe mea ‵lei i te tausaga faka-te-taviniga ko te 2018!​—Ho 14:2.

E fakaakoako atu pefea au ki te loto finafinau o Sabina Hernández?

ONOONO KI TE VITIO KO TE ONA KO TE FESOASOANI O IEOVA, TOEITIITI KO MAFAI NE AU O FAI A MEA KATOA, KAE KA OTI KO TALI MAI EI A FESILI KONEI:

  • Se a te mea ne fakamalosi atu ki a Sabina ke uke atu ana mea e fai i te taviniga a Ieova?

  • E fakamalosi atu pefea a te fakaakoakoga a Sabina ki a koe?

  • I te tausaga faka-te-taviniga ko te 2018, ne a masina e mafai o tavini atu koe e pelā me se paenia lagolago?