Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi mō Fakatasiga ko te `Tou Olaga Kelisiano–  |  Aokuso 2016

 KE OLA E PELĀ ME NE KELISIANO

Ke Momea Aka Faeloa ‵Tou Atamai i te Galuega Talai—Fesoasoani Atu ki se Tino ke Gasolo Atu ki te Tukuatuga mo te Papatisoga

Ke Momea Aka Faeloa ‵Tou Atamai i te Galuega Talai—Fesoasoani Atu ki se Tino ke Gasolo Atu ki te Tukuatuga mo te Papatisoga

TE POGAI E TĀUA EI: Ke maua a te taliaga a Ieova, e ‵tau o tuku atu ne akoga faka-te-Tusi Tapu olotou olaga ki a ia kae papatiso. (1Pe 3:21) Ko mafai ei o maua ne tino kolā e ola e ‵tusa mo te lotou tukuatuga a te puipuiga i te feitu faka-te-agaga. (Sal 91:1, 2) A te tukuatuga o se Kelisiano e fai ki a Ieova—e se ki se tino, se galuega, io me se fakapotopotoga. Tela la, e ‵tau o ati aka ne akoga faka-te-Tusi Tapu a te alofa mo te loto fakafetai lasi ki te Atua.—Lo 14:7, 8.

MEA E ‵TAU O FAI:

  • I te faiga o te akoga, sau‵tala ki fakamatalaga e uiga ki a Ieova. Faka‵mafa atu a te tāua o te faitauga ki te Tusi Tapu i aso katoa kae ‵talo foki “i taimi katoa” ki a Ieova.—1Te 5:17; Ia 4:8

  • Fakamalosi atu ki tau akoga faka-te-Tusi Tapu ke fai a te tukuatuga mo te papatisoga e pelā me ne fakamoemoega faka-te-agaga. Fesoasoani atu foki ke kausaki atu ki tamā fakamoemoega, e pelā mo te faiga o tali i fakatasiga io me molimau atu ki tuakoi mo tino e ga‵lue tasi. Masaua me e se faimālō ne Ieova so se tino ke tavini atu ki a ia. A te faiga o te tukuatuga se fakaikuga totino.—Teu 30:19, 20

  • Fakamalosi atu tau akoga faka-te-Tusi Tapu ke fai a ‵fuliga e manakogina ko te mea ke fakafiafia atu ki a Ieova kae ke fetaui ‵lei foki mō te papatisoga. (Fat 27:11) Ona ko te mea ko leva ne ‵mautakitaki a nisi uiga mo faifaiga, e mafai o manako te akoga faka-te-Tusi Tapu ki se fesoasoani tumau ke tapale keatea a te uiga mua kae fakapei ki luga i a ia a te uiga fou. (Efe 4:22-24) Ke fakaasi atu ki a ia a nisi mataupu mai te Faleleoleo Maluga ko te “E ‵Fuli ne te Tusi Tapu a Olaga o Tino”

  • Fakamatala atu ki a ia a te fiafia ne maua ne koe i te taviniga ki a Ieova.—Isa 48:17, 18