Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Tesema 2015

 MATAUPU I TE ‵KAVA | E MAFAI O MALAMALAMA KOE I TE TUSI TAPU

Kaia e Tāua ke Malamalama i te Tusi Tapu?

Kaia e Tāua ke Malamalama i te Tusi Tapu?

“A te Tusi Tapu se tusi lauiloa fakalotu. Se tusi fou kae se tāua ki tino Saina.”—LIN, SAINA.

“E faigata ki a au ke malamalama i te tusi tapu a taku lotu Hindu. Tela la, e mafai pefea o malamalama au i te Tusi Tapu?”—AMIT, INITIA.

“E āva malosi au ki te Tusi Tapu e pelā me se tusi mua kae ne iloa foki ne au me ko te ‵toe tusi lauiloa eiloa i te uke o ‵kopi ne fakatau atu. Kae seki lavea aka eiloa ne au se ‵kopi e tasi.”—YUMIKO, TIAPANI.

E tokouke a tino i te lalolagi e āva malosi ki te Tusi Tapu. Kae e mu‵tana fua olotou mea e iloa e uiga ki mea i loto i te Tusi Tapu. Kae tonu eiloa te manatu tenā ki te fia miliona o tino i Asia, e penā foki mo fenua kolā ne lasi te tufatufaga o te Tusi Tapu i ei.

Kae e tiga eiloa te feitu tenā, e mafai o fesili ifo koe, ‘Kaia e tāua ei ke malamalama au i te Tusi Tapu?’ A te malamalama i te Tusi Tapu tenei ka fesoasoani atu ki a koe i mea konei:

  • Maua te tokagamalie mo te fiafia

  • Fakafesagai atu ki fakalavelave i te kāiga

  • Manumalo i te manavase

  • Faka‵lei a fesokotakiga totino

  • Fakaaoga faka‵lei o tupe

Ke mafaufau ki a Yoshiko i Tiapani. Ne mafaufau tou fafine me se a te aoga o te Tusi Tapu telā ne fakaiku aka ne ia ke faitau ke faitau ki ei. Se a te ikuga? Ne fai mai tou fafine: “Ne fesoasoani mai te Tusi Tapu ke aoga tonu toku olaga kae ke maua ne au se fakamoemoega mō aso mai mua. Nei, ko seai eiloa se lagonaga me ko seai soku fakamoemoega.” Amit, telā ne taku mai muamua, ne fakaiku aka foki ke sukesuke a ia ki te Tusi Tapu. Ne fai mai tou tagata, “Au ne ofo. Ne aofia i te Tusi Tapu a fakamatalaga aoga mō tino katoa.”

Ne ‵fuli eiloa ne te Tusi Tapu a olaga o te fia miliona o tino. Kaia e se sukesuke eiloa koe ki ei kae onoono ki te auala e mafai aoga ki a koe?