Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Novema 2015

 MATAUPU I TE ‵KAVA | SE A TE KILOKILOGA A TE ATUA KI TAUA?

Te Kilokiloga a te Atua ki Taua i te Senitenali Muamua

Te Kilokiloga a te Atua ki Taua i te Senitenali Muamua

Ne fakasauagina a tino. E pelā mo olotou tupuga, e mautinoa eiloa me ne ‵talo atu faeloa a te kau Iutaia ki te Atua mō se fesoasoani, mai te amoga ‵mafa a te Emupaea o Loma i te taimi tenei. Kae oti aka, ne ‵logo latou i mea e uiga ki a Iesu. E mata, e fakamaoni mai ne ia me ko ia te Mesia telā ne folafola mai? E sē se mea fakapoi, “ne fakamoe‵moe [a tino e tokouke] me tenei eiloa te tagata telā ko oti ne fakatoka ke fakasao ne ia a Isalaelu” mai i tino Loma fakasaua. (Luka 24:21) Kae ne seai eiloa se fesoasoani. I lō te fai penā, i te 70 T.A., ne olo atu a te kautau Loma kae fakaseai atu a Ielusalema mo tena faletapu.

Se a te mea ne tupu? Kaia ne seki taua atu ei a te Atua mō te kau Iutaia, e pelā mo ana mea ne fai i aso ko ‵teka? Io me kaia ne seki talia ei ne ia latou ke taua atu ko te mea ke fakasaoloto latou mai faifaiga fakasaua? E mata, ko oti ne ‵fuli te kilokiloga a te Atua ki taua? Ikai. Kae e isi se ‵fuliga lasi ‵ki eiloa i te kau Iutaia. Ne ‵teke atu latou ki te Tama a te Atua, ko Iesu, e pelā me ko te Mesia. (Galuega 2:36) Tela la, e pelā me se fenua, ne galo atu te lotou fesokotakiga fakapito mo te Atua.—Mataio 23:37, 38.

Ne seki maua ne te fenua o Isalaelu mo te Fenua o te Folafolaga a te puipuiga a te Atua, io me e toe maua ne te kau Iutaia a te saolotoga ke fai atu me e ‵kau latou ki taua kolā ne talia io me e ‵lago atu ki ei te Atua. E pelā mo te mea ne ‵valo mai ne Iesu, a fakamanuiaga kolā ne maua mai te taliaga a te Atua ko oti eiloa ne ave keatea mai te fenua faka-te-foitino o te kau Isalaelu ki se fenua fou, se fenua faka-te-agaga, telā ne fakasino atu fakamuli ki ei e pelā me ko te “Isalaelu a te Atua.” (Kalatia 6:16; Mataio 21:43) A te fakapotopotoga o Kelisiano fakaekegina ki te agaga ko te Isalaelu faka-te-agaga a te Atua. Ne fai ‵tonu atu eiloa ki a latou, penei: “Kae nei ko fai koutou mo fai ana tino [o te Atua].”—1 Petelu 2:9, 10.

Ona ko te mea ko fai nei a Kelisiano i te senitenali muamua mo fai a “tino o te Atua,” e mata, ne taua atu a te Atua mō latou, ko te mea ke fakasaoloto latou mai te fakapuapuaga ne te kau Loma? Io me ne talia ne ia latou ke taua atu ki tino kolā ne fakapuapuaga atu ki a latou? Ikai, ne seki fai penā a ia. Kaia? Kafai e talia ne te Atua se taua, ko te Atua eiloa e fakaiku aka ne ia a te taimi ke fai ei, e pelā mo te mea ne fakaasi mai i te mataupu mai mua o te mataupu tenei. Ne seki taua atu a te Atua i taua mō Kelisiano i te senitenali muamua, io me ne talia ne ia latou ke aofia i taua o te lalolagi. E manino ‵lei, me i te senitenali muamua, e se ko te taimi o te Atua ke taua atu o fakagata a amioga ma‵sei mo faifaiga fakasaua.

Tela la, e pelā mo tavini a te Atua i aso mua, ne ‵tau o faka‵tali a Kelisiano i te senitenali muamua ki te taimi tonu o te Atua ke fakagata aka ei a amioga ma‵sei mo faifaiga fakasaua. I te vaitaimi tenei, ne seki talia latou ne te Atua ke taua atu eiloa latou ki olotou fili. Ne fakaasi manino mai ne Iesu te manatu tenei i ana akoakoga. E pelā me se fakaakoakoga, ne seki fakatonu atu ne ia ana soko ke ‵kau atu ki taua, kae i lō te fai penā, ne fai atu a ia ki a latou: “Ke tumau koutou i te a‵lofa ki otou fili kae ‵talo mō latou kolā e fakasaua atu ki a koutou.” (Mataio 5:44) I te taimi ne ‵valo atu ei a te taimi ka taua atu a te kautau a Loma ki Ielusalema i te senitenali muamua, ne fakatonu atu a Iesu ki ana soko, ke se ‵nofo o taua, kae ke ‵tele keatea—kae tenā eiloa te lotou mea ne fai.—Luka 21:20, 21.

E se gata i ei, mai lalo i te takitakiga a te agaga tapu, ne tusi mai a te apositolo ko Paulo: “Sa taui ma sui, . . . me ne tusi mai penei: “I a aku te taui ma sui.  Ka toe ‵togi atu ne au, ko muna a Ieova.” (Loma 12:19) Ne siki mai ne Paulo a pati a te Atua ne fai atu i senitenali mai mua atu o te vaitaimi tenā, kolā ne fakamau i te Levitiko 19:18 mo te Teutelonome 32:35. E pelā mo te mea ne lavea atu i te mataupu mai mua, e tasi te auala ne taui atu ei ne te Atua ana tino i aso mua mai te fesoasoani atu ki a latou ke taua atu ki olotou fili. Tela la, e fakaasi mai i pati a Paulo me ne seki ‵fuli eiloa a te kilokiloga a te Atua ki taua. I te senitenali muamua, koi kilo atu eiloa a Ieova ki taua e pelā me se auala ‵lei ke taui atu ana tavini kae fakagata aka ei a vaega kese‵kese o faifaiga fakasaua mo amioga ma‵sei. Kae e pelā mo aso ko ‵teka, ko te Atua fua ne fakaiku aka ne ia a te taimi e ‵tau ei o fai mo tino ke ‵kau atu ki ei.

E manino ‵lei, me ne seki talia ne te Atua a Kelisiano i te senitenali muamua ke taua atu i taua. Kae e a i aso nei? E mata, ko oti ne talia ne te Atua so se potukau o tino i aso nei ke ‵kau atu ki taua? Io me tenei te taimi ke na gasuesue te Atua kae taua atu mō ana tavini? Se a la te kilokiloga a te Atua ki taua i aso nei? Ka tali mai eiloa ne te ‵toe mataupu a fesili konā.