Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Oketopa 2015

 MATAUPU I TE ‵KAVA | E MATA, E AOGA A TE ‵TALO?

E Mata, e Isi se Tino e Fakalogologo Mai?

E Mata, e Isi se Tino e Fakalogologo Mai?

E mafau‵fau a nisi tino me i te ‵talo se mea fakamāumāu taimi fua, me e seai se tino e fakalogologo mai. Ne taumafai a nisi tino ke ‵talo kae mafau‵fau me ne seki maua ne latou se tali ki ei. Ne faite aka ne se tino telā e se talitonu ki te Atua se manatu e uiga ki te fakaataata i tou mafaufau a te Atua, kae ‵talo atu penei: “Musumusu malie mai fua ki a au.” Kae ne fai mai me ne tumau eiloa a te Atua “i te filemu.”

Kae e fakatalitonu mai te Tusi Tapu me e isi eiloa se Atua tonu telā e lagona ne ia a ‵talo. E fakamau i te Tusi Tapu a te fakamatalaga tenei ki tino i aso mua loa: “Kafai e ‵tagi atu koutou ki a [Ieova] mō se fesoasoani, kae ka tali mai a ia ki a koutou.” (Isaia 30:19) E fai mai a te suā fuaiupu i te Tusi Tapu: “A te Aliki e fiafia manafai e ‵talo atu a tino amio ‵lei ki a ia.”—Faataoto 15:8.

Ne ‵talo atu a Iesu ki tena Tamana, kae ne “talia ana ‵talo.”—Epelu 5:7

E maua foki i te Tusi Tapu a fakaakoakoga a latou kolā ne lagona olotou ‵talo. E fai mai te fuaiupu e tasi me i a Iesu ne “fakatagi . . . ki te Tino telā ne mafai o fakasao ne ia a ia” kae ne “talia ana ‵talo.” (Epelu 5:7) E mafai foki o maua a nisi fakaakoakoga i te Tanielu 9:21 mo te 2 Nofoaiga Tupu 7:1.

Kaia la e mafau‵fau ei a nisi tino me ne seki tali atu olotou ‵talo? Ke lagona ‵tou ‵talo, e ‵tau o ‵talo atu fua tatou ki te Atua o te Tusi Tapu, ko Ieova, * kae e se ki nisi atua io me ko tupuga. E manako foki te Atua ke “fakatagi atu tatou ki se mea e ‵tusa mo tena loto”—ko mea kolā e fiafia a ia ki ei. Kafai e ‵talo atu tatou i te auala tenei, e fakatalitonu mai te Atua me e “fakalogologo mai eiloa a ia ki a tatou.” (1 Ioane 5:14) Tela la, e ‵tau o iloa ne tatou te Atua o te Tusi Tapu kae sukesuke ki tena loto ko te mea ke lagona ‵tou ‵talo ne ia.

E tali‵tonu a tino e tokouke me i te ‵talo e sē se faifaiga fakalotu fua me e fakalogologo kae tali mai te Atua ki ‵talo. Ne fai mai a Isaac mai Kenya: “Ne ‵talo atu au mō se fesoasoani ke malamalama i te Tusi Tapu. E seki leva mai tua ifo, ne vau se tino ki a au kae ofo mai ne ia te fesoasoani telā ne manako au ki ei.” I te Atu-Filipaina, ne manako a Hilda ke fakagata tena ‵pusi. Mai tua o ana taumafaiga e uke kolā ne seki aoga, ne fai atu tena avaga, “Kaia e se ‵talo atu ei koe ki te Atua mō se fesoasoani?” Ne fakagalue ne ia te manatu fesoasoani tenā kae fai mai: “Ne ofo masei au ki te auala ne fesoasoani mai ei a Ia ki a au. Ne fai eiloa pelā me ko galo atu toku manakoga fia ‵pusi. Ne mafai ei o fakagata taku ‵pusi.”

E mata, e fiafia te Atua ke fesoasoani atu ki ou fakalavelave totino kolā e fetaui mo tena loto?

^ pala. 6 A Ieova ko te igoa o te Atua telā ne fakaasi mai i te Tusi Tapu.