Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Setema 2015

Tali ki Fesili Mai te Tusi Tapu

Tali ki Fesili Mai te Tusi Tapu

Kaia e isi ei ne valoaga i te Tusi Tapu?

Kaia e fakamatala mai i ei i te tusi tapu a mea ‵tupu i ‵tou aso nei?—Luka 21:10, 11.

E maua eiloa a valoaga e uke i te Tusi Tapu kātoa. E seai se tino e mafai o ‵valo fakalikiliki mai ne ia a mea ka ‵tupu i aso mai mua. Tela la, e tuku mai ne te fakataunuga o valoaga i te Tusi Tapu a fakamaoniga mautinoa me i te Tusi Tapu ko te Muna a te Atua.—Faitau te Iosua 23:14; 2 Petelu 1:20, 21.

A valoaga kolā ko oti ne fakataunu e tuku mai i ei se fakavae tonu o te fakatuanaki ki te Atua. (Epelu 11:1) E tuku mai foki ki a tatou a te loto talitonu me ka taunu eiloa a folafolaga a te Atua e uiga ki te olaga tai ‵lei atu i aso mai mua. Tela la, e tuku mai eiloa ne valoaga i te Tusi Tapu se fakamoemoega mautinoa.—Faitau te Salamo 37:29; Loma 15:4.

E fesoasoani mai pefea a valoaga i te Tusi Tapu ki a tatou?

E fakailoa mai ne nisi valoaga ki tavini a te Atua ke gasue‵sue fakavave latou. E pelā mo te laveaga ne nisi Kelisiano i te senitenali muamua a te fakataunuga o nisi valoaga, ne tiaki ne latou a Ielusalema. Fakamuli ifo, i te taimi ne fakaseai atu a te fa‵kai ona ko te mea ne ‵teke atu a te tokoukega o tino i ei ki a Iesu, ne ‵sao atu eiloa a Kelisiano i se koga ‵mao ‵ki.—Faitau te Luka 21:20-22.

I aso nei, e fakaasi mai ne valoaga kolā ne fakataunu me ko pili o aumai ne te Malo o te Atua a te gataga ki malo mo pulega a tāgata. (Tanielu 2:44; Luka 21:31) Tela la, se mea tāua ke na gasue‵sue fakavae nei a tino taki tokotasi ke maua te taliaga a te Tupu, ko Iesu Keliso, telā ne ‵tofi aka ne te Atua.—Faitau te Luka 21:34-36.