Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Setema 2015

 MATAUPU I TE ‵KAVA | KO OI A MOLIMAU A IEOVA?

E Maua Pefea a Tupe ke ‵Lago Atu ki te Motou Galuega?

E Maua Pefea a Tupe ke ‵Lago Atu ki te Motou Galuega?

I tausaga takitasi, e ‵lomi kae tufatufa atu ne matou a te fia selau o miliona o Tusi Tapu mo tusi faka-te-Tusi Tapu. E faite kae tausi foki ne matou a ofisa lagolago mo ofisa ‵lomi tusi i te lalolagi kātoa. E lau i taki sefulu afe o fakapotopotoga e maopoopo i koga kolā e taku ki Fale Tapuaki [Kingdom Hall]. Ko oi e ‵togi ne ia a mea katoa konei?

E ‵lago katoatoa atu ki te motou galuega a meaalofa kolā e tuku mai mo te lotomalie. (2 Kolinito 9:7) I te 1879, ne fai mai te lua o lōmiga o te mekesini tenei: “E tali‵tonu matou me e ‵lago atu eiloa a IEOVA ki te ‘Zion’s Watch Tower’ [ko te igoa o te mekesini tenei i aso mua], kae ona ko te mea tenei, e se mafai eiloa o akai io me e fakamolemole atu matou ki tino ke fesoasoani mai.” Koi fakaaoga eiloa ne matou a te fakatokaga tenā.

E avatu eiloa a meaalofa ki se ofisa lagolago e tasi o matou io me e tuku atu ki loto i se pokisi i Fale Tapuaki takitasi. Kae e se ‵togi atu ne matou a te tasi-vae-sefulu, ‵tae tautino, io me e ‵togi ne matou a tino ki te galuega e fai ne matou io me ko motou tusi. E se ‵togi matou ke talai atu, ke akoako atu i te fakapotopotoga, io me ke fesoasoani atu i te faitega o koga tapuaki. E pelā eiloa mo pati a Iesu: “Ne maua ne koutou a mea konei e aunoa mo se ‵togi, tuku atu foki e aunoa mo se ‵togi.” (Mataio 10:8) A tavini katoa kolā e ga‵lue i motou ofisa lagolago mo te motou laumua, e aofia i ei a tino kolā e aofia i te Potukau Pule o Molimau a Ieova, e fai mo fai ne sui o se fakatokaga fakalotu telā e se ‵togi.

“E pelā eiloa mo faifaiga a Molimau a Ieova, a tupe a te lotu e tuku atu eiloa mo te lotomalie, telā e fakaiku aka ne tino taki tokotasi a te aofaki mo te taimi e tuku atu ei tena ‘meaalofa’ ki te lotu.”European Court of Human Rights, 2011

Ne fakaaoga foki a meaalofa tupe mō taimi o fakalavelave ‵tupu. Ne fia‵fia a Kelisiano mua ke tuku atu olotou mea ki tino kolā ne pokotia i fakalavelave ‵tupu. (Loma 15:26) E fesoasoani atu foki matou ki tino kolā ne pokotia mai te faitega o olotou fale mo koga tapuaki kae tuku atu foki a mea‵kai, gatu, mo vailakau fakatokita.