Fanatu ki te fakasologa

Fanatu ki te fakasologa o mataupu

Molimau a Ieova

Fili se `gana Tuvalu

 MATAUPU I TE ‵KAVA | KO OI A MOLIMAU A IEOVA?

Ne a Mea e Tali‵tonu ki ei a Molimau a Ieova?

Ne a Mea e Tali‵tonu ki ei a Molimau a Ieova?

E tali‵tonu a Molimau a Ieova me i “Tusitusiga Tapu katoa ne māfua mai i te Atua, kae e aoga.” (2 Timoteo 3:16) E fakaaoga ne matou a te Tusi Tapu e pelā me se tusi aoga ke tauloto e uiga ki te Mafuaga kae ola foki i se olaga aoga.

E fai mai te Tusi Tapu: “Ko te mea ke iloa ne latou me ko koe fua te Aliki [ko Ieova] e tokotasi, ko te pule tafasili i te lalolagi kātoa.” (Salamo 83:18) Tela la, e tapuaki atu fua matou ki a Ieova te Atua, kae e pelā me ne ana Molimau, e taumafai matou o fakasalalau atu tena igoa totino.—Isaia 43:10-12.

E pelā me ne Kelisiano, e tali‵tonu tatou me i a Iesu, “te Tama a te Atua,” * ne vau ki te lalolagi kae ne fai mo fai te Mesia. (Ioane 1:34, 41; 4:25, 26) Mai tua o tena matega, ne fakatu aka a Iesu ki te lagi. (1 Kolinito 15:3, 4) Fakamuli ifo, ne fai a ia mo fai te Tupu i te Malo o te Atua. (Fakaasiga 11:15) A te Malo tenā se pulega tonu telā ka toe fakafoki mai ne ia te Palataiso ki te lalolagi. (Tanielu 2:44) E fai mai te Tusi Tapu: “Ka ko latou kolā e loto malalo, ka fai mo latou te fenua, kae ka maua ne latou te manuia mo te filemu katoatoa.”—Salamo 37:11, 29.

“Kafai e fai‵tau latou ki te Tusi Tapu, e tali‵tonu latou me e faipati atu te Atua ki a latou. Kafai e ‵sae aka a fakalavelave i olotou olaga, e puke atu latou ki te Tusi Tapu kae sukesuke atu ki ei mō se faka‵leiga. . . . E tali‵tonu eiloa latou me e ola a te Muna a te Atua.”—Faifeau Katolika, ko Benjamin Cherayath, Münsterländische Volkszeitung newspaper, Siamani

E tali‵tonu a Molimau a Ieova me e mafai eiloa o aoga i aso nei a akoakoga fakavae i te Tusi Tapu ki tino. (Isaia 48:17, 18) Tela la, e tau‵tali faka‵lei atu matou ki akoakoga fakavae konā. E pelā mo te fakailoa mai ne te Tusi Tapu ke ‵kalo keatea tatou mai i faifaiga kolā e fakamasei ei ‵tou mafaufau mo ‵tou foitino, e se ‵pusi io me fakaaoga ‵se ne matou a vailakau tapu. (2 Kolinito 7:1) E ‵kalo keatea foki matou mai i faifaiga kolā e fakamasei tonu mai i te Tusi Tapu, e pelā mo te konā, faifaiga fakatauavaga sē ‵tau, mo te kaisoa.—1 Kolinito 6:9-11.

^ pala. 5 E fakasino atu foki te Tusi Tapu ki a Iesu e pelā me ko te “Tama fagasele e tokotasi a te Atua” ona ko ia ko te mea muamua eiloa ne faite tokotasi eiloa ne Ieova.—Ioane 3:18; Kolose 1:13-15.