Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Me 2015

Tali ki Fesili Mai te Tusi Tapu

Tali ki Fesili Mai te Tusi Tapu

Se a te Aso Fakamasino?

Kaia ka fai ei a te aso fakamasino mo fai se taimi fakafiafia?

I taimi o te Tusi Tapu, ne fakaaoga ne te Atua a famasino ke faka‵sao ana tino mai i faifaiga sē fakamaoni. (Famasino 2:18) E fakamatala mai ne te Tusi Tapu me i te Aso Fakamasino mai mua nei, ka fai mo fai se taimi fakafiafia māfai ko faka‵sao ne Ieova, te Famasino o tino katoa i te lalolagi, a tino mai faifaiga sē fakamaoni.—Faitau te Salamo 96:12, 13; Isaia 26:9.

Ne ‵tofi aka ne te Atua a Iesu ke fakamasino ne ia mo te fakamaoni a tino ola mo tino ‵mate. (Galuega 10:42; 17:31) Ko oti eiloa ne ‵mate a tino e tokouke e aunoa mo te iloa ne latou o te Atua. I te Aso Fakamasino, ka toe faka‵tu mai ne Iesu ki te ola a vaegā tino penā ko te mea ke iloa kae a‵lofa latou ki te Atua tonu.—Faitau te Galuega 24:15.

Kaia ka fai ei a te Aso Fakamasino i se afe tausaga?

Ka toe faka‵tu aka a tino ‵mate i loto i te afe tausaga. (Fakaasiga 20:4, 12) Ka manakogina ne latou a taimi ke tauloto ki auala o te Atua kae faka‵logo ki a ia. E ‵kese mai i mafaufauga lauiloa, e fakaasi mai i te Tusi Tapu me ka fakamasino a tino e ‵tusa mo mea e fai ne latou mai tua o te lotou toetuga.—Faitau te Loma 6:7.

E fakamatala mai foki i te Tusi Tapu me ka fai fakavave a te aso o te fakamasinoga, a koi tuai o kamata te afe tausaga. E taku foki te aso tenā ki te gataga, e pelā mo mea ne fakamatala mai i mataupu i te ‵kava o te lōmiga tenei. I te aso tenā, ka ave keatea ne te Atua a tino amio sē atua kae amio ma‵sei. (2 Petelu 3:7) Tela la, e ‵tau eiloa mo tatou o fakaeteete ke fakamaoni atu ‵tou a‵lofa ki te Atua.—Faitau te 2 Petelu 3:9, 13.