Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Mati 2015

Tali ki Fesili Mai te Tusi Tapu

Tali ki Fesili Mai te Tusi Tapu

Kaia e ‵tau ei o masaua ne tatou te mate o Iesu?

Se a te fakamoemoega i aso mai mua ne mafai o maua e auala i te mate o Iesu?—Isaia 25:8; 33:24

A te mate o Iesu ko te ‵toe mea tāua eiloa i tala mua—ne mate ko te mea ke toe fakafoki mai te ola ki tino. Ne seki faite a tino mo te manakoga ke fai a mea ma‵sei, ke ma‵saki, io me ke ‵mate. (Kenese 1:31) Kae ne oko mai te agasala ki te lalolagi e auala i te tagata muamua, ko Atamu. Ne tuku mai ne Iesu tena ola ke faka‵sao ei tatou mai te agasala mo te mate.—Faitau te Mataio 20:28; Loma 6:23.

Ne fakaasi mai ne te Atua a te alofa sē fuafuagina mai te ugamaiga o tena Tama ke mate mō tatou. (1 Ioane 4:9, 10) Ne fai atu a Iesu ki ana soko ke masaua tena mate e auala i te faiga o se fakamanatuga faigofie, telā e aofia i ei a te falaoa mo te uaina. A te faiga penā i tausaga takitasi se auala ke fakaasi atu ei ‵tou loto fakafetai ki te alofa ne fakaasi mai ne te Atua mo Iesu. —Faitau te Luka 22:19, 20.

Ko oi e ‵tau o ‵kai kae inu i te falaoa mo te uaina?

I te taimi ne fai atu muamua ei a Iesu ki ana soko ke masaua tena mate, ne faipati a ia e uiga ki se feagaiga, io me se fakanofoga. (Mataio 26:26-28) Ne ‵tala mai ei te fakamoemoega mō latou mo se aofaki mautinoa o nisi tino ke fai mo fai ne tupu mo faitaulaga fakatasi mo ia i te lagi. E tiga eiloa e lau i miliona o tino kolā e fakamanatu ne latou te mate o Iesu, ne nai tino fua e ‵kai kae inu i te falaoa mo te uaina.—Faitau te Fakaasiga 5:10.

Toeitiiti nei kae kātoa te 2,000 tausaga, kae koi filifili eiloa ne Ieova a tino kolā ka fai mo tupu. (Luka 12:32) E se tokouke latou māfai e fakatusa ki tino kolā ka ola ki te se-gata-mai i te lalolagi nei.—Faitau te Fakaasiga 7:4, 9, 17.