Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Fepuali 2015

Tali ki Fesili Mai i te Tusi Tapu

Tali ki Fesili Mai i te Tusi Tapu

E mata, ka tasi te pulega ka maua ne tatou i te lalolagi kātoa?

E Fakamaopoopo mai Pefea ne te Malo o te Atua a Tino Mai Atufenua Katoa? Isaia 32:1, 17; 54:13

Ke fakaataata ne tatou a mea ‵lei kolā ka maua ne tino mai i se pulega i te lalolagi nei. I aso nei, e logo‵mae a tino e tokouke ona ko te lasi o te mativa, kae ko nisi tino ko oko loa te mau‵mea. Kae kafai e isi se pulega telā e malamalama ‵lei i manakoga o tino, ka mafai o fakamautinoa aka ne ia me e maua ne tino katoa a mea kolā e ma‵nako latou ki ei. Se a tau faka‵tau, e mata, ka mafai ne tino o fakatu aka se vaegā pulega penā?Faitau te Ielemia 10:23.

Mai i tala fakasolopito, ne fakata‵mala eiloa a pulega a tagata o tausi katoatoa atu ki ana tino i auala kese‵kese, kae maise eiloa a tino ma‵tiva. A nisi pulega e ma‵sei kae amio fakasaua. (Failauga 4:1; 8:9) Kae ne tauto mai te Atua Malosi Katoatoa me ka fakatu aka ne Ia se pulega telā ka sui ne ia a pulega katoa. A te Pule i ei ka tausi faka‵lei atu ki luga i ana tino.Faitau te Isaia 11:4; Tanielu 2:44.

Ne a mea ka fai ne te Malo o te Atua?

Ne fili ne Ieova te Atua a te Pule ‵lei katoatoa mō te lalolagi—ko tena Tama, ko Iesu. (Luka 1:31-33) E pelā me se tino telā ne ola i te lalolagi nei, e alofa foki a Iesu o fesoasoani atu ki tino. E pelā me ko te Tupu, ka fakamaopoopo mai ne ia a tino mai fenua katoa kae ‵solo kea‵tea a logo‵maega katoa.Faitau te Salamo 72:8, 12-14.

E mata, ka talia ne tino katoa a Iesu ke fai mo Pule? Ikai. A Ieova e loto kufaki. (2 Petelu 3:9) Ka tuku mai eiloa ne Ia se taimi ke talia ne tino a Iesu ke fai mo fai te lotou Pule. Ko pili o fakaseai atu ne Iesu a tino ma‵sei kae ka fakatu aka ne ia te filemu mo te tokagamalie i te lalolagi kātoa.Faitau te Malaki 4:3, 4.