Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Apelila 2014

Tali ki fesili Mai te Tusi Tapu

Tali ki fesili Mai te Tusi Tapu

Ne a mea ka fai ne Iesu i aso mai mua?

I te tausaga ko te 33 T.A., ne mate a Iesu, ne toe fakatu aka mai te mate, kae fanatu ki te lagi. Mai tua ifo eiloa o se taimi leva, ne tuku atu ki a Iesu a te pulega ke pule e pelā me ko te Tupu. (Tanielu 7:13, 14) I aso mai mua, ka gasuesue ei a Iesu e pelā me ko te Tupu o aumai te filemu kae fakagata te mativa i te lalolagi.Faitau te Salamo 72:7, 8, 13.

E pelā me ko te Tupu, ka faka‵ma ne Iesu a te lalolagi o tino amio sē ‵tonu

Ka fai ne Iesu a mea fakaofoofogia e pelā me ko te Pule o tino. Ka fakaaoga ne ia te ‵mana telā ne tuku atu ne te Tamana ke toe faka‵foki atu a tino ki te tulaga ‵lei katoatoa. Ka maua ne latou te ola i te lalolagi e aunoa mo te gasolo aka o ma‵tua kae ‵mate.Faitau te Ioane 5:26-29; 1 Kolinito 15:25, 26.

Ne a mea ko fai nei ne Iesu?

Ko takitaki nei ne Iesu a te galuega talai i te lalolagi kātoa o ana soko ‵tonu. E āsi atu latou ki tino ke fakaasi atu a muna i te Tusi Tapu e uiga ki te Malo o te Atua. Ne fai atu a Iesu me ka tumau a ia i te ‵lago atu ki te galuega telā e fai ne ana soko ke oko eiloa ki te taimi e fakaseai atu ei ne te Malo o te Atua a pulega a tino.Faitau te Mataio 24:14; 28:19, 20.

E auala i te fakapotopotoga Kelisiano tonu, e takitaki ne Iesu a tino ki te vaegā olaga telā e ‵lei atu. Ka tumau eiloa a ia i te takitaki atu o latou i te taimi e fakaseai atu ei a te olaga masei ke oko ki te lalolagi fou telā ne folafola mai ne te Atua.Faitau te 2 Petelu 3:7, 13; Fakaasiga 7:17.