Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Fepuali 2014

E Iloa ne Koe?

E Iloa ne Koe?

Ne a aloe kolā ne fakaaoga i taimi o te Tusi Tapu?

Ne Maua Mai a Aloe i te Lakau ko te AGARWOOD

E fai mai te Tusi Tapu me ne masani o fakaaoga a aloe ke fakama‵nogi ki ei a gatu mo moega. (Salamo 45:8; Faataoto 7:17; Pese a Solomona 4:14) Kāti a aloe i te Tusi Tapu ne maua mai i te lakau ko te Agarwood (se vaega o lakau ko te Aquilaria). I te taimi e pala ei te lakau, e maua mai i ei se sinu manogi gali ‵ki. Ko tuki ei te lakau ke liu pauta, telā ko ‵togi atu ei e pelā me ne “aloe.”

E fakatusa ne te Tusi Tapu a faleie o Isalaelu ki “aloe ne ‵toki ne te Aliki [ko Ieova].” (Numela 24:5, 6) E mafai o fakasino atu ki foliga o te lakau ko te Agarwood, telā e mafai o oko atu tena maluga ki se 100 futu (30 mita) kae ‵solo ki tua. E tiga eiloa e se maua te lakau tenei i Isalaelu i aso nei, e fai mai te A Dictionary of the Bible me “e seai se pogai e ‵tau o fakaseaoga ei te manatu me i te lakau tenei mo nisi lakau kolā ko se lauiloa nei i [te koga tenā] ne ‵toki eiloa i te Vanu o te Iolitana telā e maumea kae ola ‵lei.”

Ne a taulaga e taliagina i te faletapu i Ielusalema?

A Te Lisiti Telā ne Faite ki te Kele Mai te Faletapu i Ielusalema e Nofo Loa ki te 2,000 Tausaga e Leva

Ne fai mai te Tulafono a te Atua me i taulaga katoa kolā e ofo atu i te faletapu e ‵tau ko toe mea ‵lei eiloa. E se talia ne Ieova a taulaga kolā e isi ne olotou pona. (Esoto 23:19; Levitiko 22:21-24) E ‵tusa eiloa mo pati a te tino tusitala Iutaia i te senitenali muamua T.A. ko Philo, a faitaulaga i aso konā ne iloilo fakalikiliki eiloa ne latou a manu “mai te ulu ki vae” ke fakamautinoa aka me e ‵lei i feitu katoa kae e “seai lele eiloa se mea masei i ei.”

E fai mai a te tino poto ko E. P. Sanders me ne tuku atu ki ofisa o te faletapu “a te pulega ke ‵togi atu ne latou a manu kolā e fakaaoga ki taulaga kae ko oti foki ne iloilo muamua ne faitaulaga. I te feitu tenei, e ‵tau o avatu ne te tino fakatau ki te tino telā e ‵togi ne ia, se vaegā lisiti telā e fakamaoni atu me e ‵lei eiloa te manu tenā.”

I te 2011, ne maua aka ne tino sukesuke ki mea mua a vaegā lisiti penā i te kogaloto o te faletapu—se mea telā e foliga pelā me se tupe kae ne faite ki te kele kae ne fakaaoga i se vaitaimi i te senitenali muamua T.L.M. mo te 70 T.A. E maua i ei a pati e lua faka-Alamaika telā ne ‵fuli penei “E ‵Ma mō te Atua.” Ne mafaufau pelā me i ofisa o te faletapu ne faka‵piki ne latou a vaegā tusi lisiti penā ki mea kolā ne fakaaoga i tapuakiga io me ki manu kolā ne fakaaoga mō taulaga.