Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga (Lōmiga mō Sukesukega)  |  Tesema 2015

E Masaua ne Koe?

E Masaua ne Koe?

E mata, kai faitau faka‵lei koe ki lōmiga o Te Faleleoleo Maluga? Onoono aka māfai e mafai o tali mai ne koe a fesili konei mai lalo:

Kafai ko oko mai te gataga, ne a mea kolā ka fakaseai atu i ei?

A nisi mea kolā ka fakaseai atu i ei, ko pulega sē ‵lei a tagata, taua mo faifaiga sē fakamaoni, lotu kolā ne fakalogo‵mae atu ki te Atua mo tino, mo tino sē amioatua.—1/5, itu. 3-5.

Ko oi a Koka mai Makoka telā ne taku mai i te tusi a Esekielu?

I lō te fakasino atu ki a Satani, e fakamatala mai i a Koka mai Makoka e fakasino atu loa ki atufenua ‵kaufakatasi kolā e taumafai o fakaseai a tino o te Atua mai tua o te kamataga o te fakalavelave lasi.—15/5, itu. 29-30.

Ne a mea e ono kolā e mafai o fesoasoani atu ki se tino ke gasolo aka o matua kae fiafia?

E fai mai te Tusi Tapu me e ‵tau mo tatou o (1) loto maulalo, (2) ke paleni ‵lei, (3) ke maua se kilokiloga ‵lei, (4) ke kaimalie, (5) ke mata fiafia, kae ko te (6) ke loto fakafetai. A te fakaasi atu o uiga konei e mafai o fesoasoani atu ki se tino ke gasolo aka o matua kae fiafia.—1/6, itu. 8-10.

E fakaasi mai pefea i vavega a Iesu a tena uiga kaimalie?

I se avaga i Kana, ne ‵fuli faka-vavega ne Iesu se 100 kalone (380 lita) o vai ki te uaina ‵lei. Ne fagai fakavavega ne ia a tino e silia atu mo te 5,000. (Mata. 14:14-21; Ioa. 2:6-11) I taimi konei e lua, ne fakaakoako atu a ia ki tena Tamana uiga kaimalie.—15/6, itu. 4-5.

E mafai pefea ne tino sē ‵lei katoatoa o fakafiafia te Atua?

A vaegā tāgata pelā mo Iopu, Lota mo Tavita ne fai ne latou a mea ‵se. Kae e ui i ei, ne ma‵nako latou o tavini atu ki te Atua, ne sala‵mo latou kae ‵fuli olotou auala i feitu kolā e manakogina. Ne maua ne latou te taliaga a te Atua, kae e mafai foki o fai tatou penā.—1/7, itu. 12-14.

E mata, ka fakaiku aka ne tatou me i te fakaseaiga o Papelonia te Sili e iku atu ki te fakaseai katoatoa atu o tino katoa i loto i lotu konā?

Ikai e se penā loa. E fai mai te Sakalia 13:4-6 me ka isi ne takitaki o fenua lotu kelisiano ka tiakina olotou faifaiga fakalotu kae fakafiti me i a latou e se ne vaega o lotu ‵se konā.—15/7, itu. 15-16.

Kaia ne talia ei ne Palako ke taua atu a ia māfai fua e olo fakatasi a ia mo Tepola?

A Palako se tagata fakatuanaki. I lō te fakamolemole atu ki a Ieova mō meatau e uke atu, ne manako a ia ki se sui o te Atua—ko Tepola ke fakamalosi atu ki a ia mo ana tāgata. (Fama. 4:6-8; 5:7)—1/8, itu. 13.

Ne a nisi mea e mafai o mafaufau ‵loto ki ei se Kelisiano?

A nisi mea e aofia i ei a galuega fakaofoofogia a Ieova, te tāua o tena Muna fakaosofia, ‵tou tauliaga ke ‵talo atu, mo tena fakatokaga alofa e auala i te togiola.—15/8, itu.  10-13.

E aoga pefea a te ‵kalo keatea mai taugasoa ma‵sei ki te fai famau?

A tatou ne tino e a‵lofa atafai ki tino sē tali‵tonu. Kae, e se fetaui eiloa mo te fakatakitakiga a te Atua ke fai famau ki se tino telā e seki tukugina atu ki a ia kae fakamaoni o tautali i ana tulaga ma‵luga. (1 Koli. 15:33)—15/8, itu. 25.

Ne galo atu pefea te fakatuanaki o Petelu, kae ne toe mafai pefea o toe maua ne ia?

Ona ko te fakatuanaki o Petelu, ne mafai ei o sasale atu a ia ki a Iesu. (Mata. 14:24-32) Kae i te taimi ne kilo atu ei a ia ki te kaumatagi, ne kamata o mataku a Petelu. Kae ne toe saga atu a tou tagata ki a Iesu kae talia ne ia tena fesoasoani.—15/9, itu. 16-17.

E fai mai te Galuega 28:4 me ne mafau‵fau a tino Melita me i te apositolo ko Paulo se tino tatino. Kaia ne mafau‵fau ei latou penā?

I te taimi ne ū ei a Paulo ne se gata poisini, ne fakaiku aka ne latou me ne fakasala a ia ne te atua fafine ko Dike, te atua o fakamasinoga.—10/1, itu. 9.

Se a te akoakoga e maua ne tatou mai te fakalavelave o Maleta i ana galuega e uke?

I se taimi e tasi, ne fakalavelave eiloa a Maleta i te fakatokaga o se ‵kaiga lasi. Ne fai atu a Iesu me ne filifili ne tena taina te vaega ‵lei ke fakalogologo ki ana akoakoga. E ‵tau o sē talia ne tatou a mea sē aoga ke fakalavelave mai ki ‵tou fakatokaga faka-te-agaga.—15/10, itu. 18-20.