Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga (Lōmiga mō Sukesukega)  |  Aokuso 2015

 MAI ‵TOU FALETUSI

“Ne Aumai ne Ieova Koutou ki Falani ke Tauoto ki te Munatonu”

“Ne Aumai ne Ieova Koutou ki Falani ke Tauoto ki te Munatonu”

E PELĀ me se tamaliki tagata, ne isi se solofanua foliki a Antoine Skalecki. Ne olo fakatasi atu lāua i lalo i ana pouli, o aveave a fatu kalā kolā e nofo ki se 1,600 futu (500 m) mai lalo o te laukele. Ne pakia a te tamana o Antoine, tela la, e seai loa se fakamoemoega mō ia, kae na ko te avatu fua o Antoine ke galue i te koga keli fatu kalā mō se iva itula i te aso. I se taimi e tasi, toeitiiti loa ko galo atu foki te ola o Antoine i loto i se ana telā ne kamata o matoli ifo.

Mea faigaluega ne fakaaoga ne tino Polani kolā e ga‵lue i koga ‵keli fatu kalā, mo te koga keli fatu kalā i Dechy, telā e pili ki Sin-le-Noble, te koga ne galuega ei a Antoine Skalecki

A Antoine se tokotasi mai tamaliki e tokouke kolā ne fa‵nau i Falani i te tausaga e 1920 tupu ki te 1930 kae ko olotou mātua ne tino Polani. Kaia ne au‵mai ei a tino Polani konei o ‵nofo tumau i Falani? I te taimi ne kamata ei o tu tokotasi a Polani mai tua o te Taua Muamua a te Lalolagi, ne fai eiloa a te tokouke o te aofaki o tino mo fai se fakalavelave lasi i konā. I te suā feitu, e lau i miliona o tagata Falani ne ‵mate atu i te taua kae e manakogina malosi ne tino keli fatu kalā. Tela la, ne saina ne te malo o Falani mo Polani se feagaiga ke mafai o olo atu a tino Polani o ‵nofo tumau i Falani i a Setema 1919. I te 1931, ne oko atu te aofaki o tino Polani i Falani ki te 507,800, kae e tokouke a tino Polani ne ‵nofo atu i kogā laukele ki matū o koga keli fatu kalā.

Ne tauave mai eiloa ne tino Polani ga‵lue malosi konei a olotou tuu kolā e tu ‵kese, e aofia i ei a mea fakalotu. “Ne faipati eiloa toku tupuna tagata ko Joseph e uiga ki te Tusi Tapu mo te āva, telā ko leva ne akoako atu ne tena tamana ki a ia,” ko pati a Antoine, telā ko 90 nei ana tausaga. I Aso Sa katoa, ne pei faeloa ne kāiga Polani a olotou toe gatu ‵lei mō te lotu, e pelā eiloa mo te mea ne fai sale ne latou i te lotou fenua, kae fakatauemu ki ei a nisi tino Falani kolā e ga‵lue i te koga keli fatu kalā.

Ne maua ne te tokoukega o tino Polani kolā e ‵nofo i Nord-Pas-de-Calais a te avanoaga muamua ke fesokotaki mo tino a‵koga ki te Tusi Tapu, kolā ne talai atu i te kogā koga tenā mo te loto finafinau talu mai loa i te 1904. I te 1915, ne kamata o ‵lomi The Watch Tower i te ‵gana Polani i masina takitasi, kae ne mafai foki o maua te mekesini ko The Golden Age (te Awake i aso nei) i te ‵gana tenā i te 1925. Ne fia‵fia eiloa a te tokoukega o kāiga ki fakamatalaga faka-te-Tusi Tapu mai mekesini konā, e pelā foki mo te tusi ko The Harp of God i te ‵gana Polani.

Ne iloa ne te kāiga o Antoine a tino a‵koga konei ki te Tusi Tapu mai tena fakatamana telā ne kau atu ki se fakatasiga mō te taimi muamua i te 1924. I te tausaga eiloa tenā i Bruay-en-Artois, ne fai ne Tino A‵koga ki te  Tusi Tapu konei a te lotou fono muamua i te ‵gana Polani. I se masina fakamuli ifo i te fa‵kai foki loa tenā, ne fai ne se sui mai te ‵tou laumua ko Joseph F. Rutherford se fakatasiga, telā ne ‵kau ki ei se aofaki o tino e toko 2,000. Ona ko tena fiafia i te tokouke o tino ne ‵kau atu ki ei, maise loa tino Polani, ne fai atu ei te Taina ko Rutherford ki a latou, penei: “Ne aumai ne Ieova koutou ki Falani ke tauloto ki te munatonu. Nei la, e ‵tau mo koutou fakatasi mo otou tama‵liki o fesoasoani atu ki tino Falani! Koi manakogina nei ke fai se galuega lasi, kae ka fakatoka ne Ieova a tino talai mō te galuega tenā.”

Kae ne fai eiloa ne Ieova te Atua a te mea tenā! Ne maua foki ne Kelisiano Polani konei a te galuega talai mo te loto kātoa e ui eiloa e ga‵lue latou i te keliga o fatu kalā! E tonu, ne toe ‵foki atu a nisi o latou ki Polani o talai atu a muna‵tonu tāua kolā ne tauloto ne latou. A Teofil Piaskowski, Szczepan Kosiak, mo Jan Zabuda ne aofia i a latou kolā ne tiakina ne latou a Falani kae olo atu ki kogā koga ‵lasi o Polani o fakasalalau atu te tala ‵lei i ei.

Kae ko te tokoukega o tino talai Polani ne ‵nofo atu loa i Falani kae tumau i te talai atu mo te loto finafinau fakatasi mo olotou taina mo tuagane Falani. I te fono o te fenua i te 1926 i Sin-le-Noble, e ‵tusa mo te toko 1,000 tino ne ‵kau ki te fono i te ‵gana Polani, fakatasi mo te toko 300 i te ‵gana Falani. Ne lipoti mai te 1929 Yeabook, penei: “Talu mai te tausaga tenā, e ‵tusa mo te toko 332 o taina Polani ne fai olotou tukuatuga e auala i te papatisoga.” Mai mua o kamata te Taua i te Lua a te Lalolagi, e ‵tusa mo te 32 mai te 84 fakapotopotoga i Falani ne fai‵pati ki te ‵gana Polani.

Taina mo tuagane Polani i Falani e faima‵laga atu i te lotou auala ki se fono o te atufenua. A te fakailoaga tenā i luga i te pasi e faitau penei, “Molimau a Ieova”

I te 1947, ne talia ne te tokoukega o Molimau a Ieova te ‵kamiga mai te malo o Polani ke toe ‵foki atu latou ki Polani. Kae faitalia eiloa ko ‵foki atu latou, ne lavea atu i fua o olotou galuega pelā foki mo olotou taina tali‵tonu Falani, a te fanakaga ki se 10 pasene o tino talai o te Malo i te tausaga tenā. Ne toe fanaka aka foki ki te 20, 23, ke oko foki ki te 40 pasene te fanakaga i tausaga mai te 1948 ki te 1950. Ke fesoasoani atu o akoako a tino talai konei, ne filifili aka ne te ofisa lagolago i Falani a ovasia o te fenua i te taimi muamua i te tausaga ko te 1948. Mai te tokolima kolā ne filifili aka, e tokofa mai i ei ne tino Polani, a ko Antoine Skalecki se tokotasi o latou.

A te tokoukega o Molimau a Ieova i Falani koi fakaaoga eiloa ne latou a igoa o kāiga o latou mai Polani, kolā ne ga‵lue malosi i te koga keli fatu kalā e pelā foki mo te galuega talai. I aso nei, a te tokoukega o latou kolā ne olo atu o ‵nofo i Falani ko tauloto ne latou te munatonu i te ‵gana Falani. Faitalia me e ‵foki atu a tino talai mai nisi fenua ki olotou fenua ‵tonu io me ‵nofo loa i olotou fenua, e tau‵tali eiloa latou ki te auala o olotou tupuga Polani kolā ne talai atu mo te loto finafinau.—Mai te ‵tou faletusi i Falani.