Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Napa 2 2016

Ko oi io me Se a te Tiapolo?

Ko oi io me Se a te Tiapolo?

Ko oi io me se a te Tiapolo?

E MATA, KA FAI MAI KOE me i te Tiapolo se . . .

  • Tino faka-te-agaga?

  • Fakailoga o te masei i loto i te tino?

  • Mea ne māfua mai i mafaufauga o tino?

FAKAMATALAGA MAI TE TUSI TAPU

Ne sau‵tala kae ne “tofotofo” foki ne te Tiapolo a Iesu. (Mataio 4:1-4) Tela la, a te Tiapolo e sē se ata fua, io me se fakailoga o te masei. A iase tino faka-te-agaga masei.

NE A NISI MEA E MAFAI O TAULOTO MAI TE TUSI TAPU?

  • A te Tiapolo se agelu ‵malu muamua, kae “seki tumau i te munatonu.” (Ioane 8:44) Ne fai mo fai se tino loi kae ne ‵teke atu ki te Atua.

  • Ne ‵kau atu a nisi agelu ki te ‵tekeatuga a Satani.Fakaasiga 12:9.

  • E faka‵kivi ne te Tiapolo a tino e tokouke ke se tali‵tonu me i a ia se tino tonu.—2 Kolinito 4:4.

E mata, e mafai o pule atu a te Tiapolo ki tino?

E TALI‵TONU A NISI TINO me i te pule atu o te Tiapolo se mea fakamataku, kae ma‵taku a nisi tino i a latou ma ulufia ne agaga ma‵sei. Se a tau faka‵tau?

FAKAMATALAGA MAI TE TUSI TAPU

“Te lalolagi kātoa ko nofo mai lalo i te pule a te tino masei.” (1 Ioane 5:19) E lasi eiloa te fakamalosiga a te Tiapolo ki tino, kae e se pule atu a ia ki tino katoa.

NE A NISI MEA E MAFAI O TAULOTO MAI TE TUSI TAPU?

  • E fakaaoga ne te Tiapolo a auala faitogafiti ke momea aka ana fakamalosiga.—2 Kolinito 11:14.

  • E mafai o pule atu a agaga ma‵sei i nisi taimi ki tino.—Mataio 12:22.

  • Mai te fesoasoani o te Atua, e mafai ne koe o “‵teke atu te Tiapolo” mo te manuia.—Iakopo 4:7.