Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga (Lōmiga mō Sukesukega)  |  Oketopa 2017

Se Faifaiga e Tasi o te Atafai Faka-Kelisiano

Se Faifaiga e Tasi o te Atafai Faka-Kelisiano

I SE fakai foliki e tasi i Gujarat, i Initia, ne papatiso a te tamana o John e pelā me se Molimau a Ieova i te fakaotiotiga o te tausaga mai te 1950. A John fakatasi mo ana taina mo tuagane e tokolima mo te lotou mātua ne tino ma‵losi i te lotu Katolika i Loma kae ne ‵teke malosi ki te talitonuga a te lotou tamana.

I te aso e tasi, ne fakamolemole atu tena tamana ki a ia ke fano o tuku se teutusi ki se taugasoa i te fakapotopotoga. Kae i te taeao tenā, ne pakia te matikao o John i te taimi ne ‵tala ei ne ia se kāpa. E tiga te feitu tenā, ona ko tena fia fakalogo ki tena tamana, ne sai ne ia tena matikao telā e toto ki se laugatu kae sasale atu o tuku te teutusi.

I te okoatuga a John ki te koga tenā, ne puke ne te avaga fafine, telā se Molimau a Ieova, a te teutusi. Ne lavea ne tou fafine te matikao o John e pakia kae ne manako a ia o fesoasoani atu. Ne puke mai ne tou fafine tena pokisi mō te fesoasoani muamua, ‵fulu ne ia ke ‵ma te pakiaga ki te vailakau ko te antiseptic, kae fusi tena matikao ki te peniteti. Oti, palu atu ei ne ia se ipu tī vela ma John, kae faipati atu ki tou tagata i se auala ‵lei e uiga ki te Tusi Tapu.

I te taimi tenei, ne kamata ei o galo atu a te uiga fakailoga tino o John ki Molimau a Ieova, telā ne fesili atu tou tagata ki mataupu e lua kolā e ‵kese i ei te talitonuga a tena tamana mai i a ia—me e mata a Iesu ko te Atua me ikai, io me e mata, e ‵tau mo Kelisiano o ‵talo atu ki a Malia io me ikai. Ona ko te iloa ne ia i a John se Gujarati, ne tali atu ne te tuagane Molimau tenei tena fesili mai te Tusi Tapu kae tuku atu ki tou tagata a te tamā tusi ko “Te Tala ‵Lei Tenei o te Malo.”

Fakamuli ifo, i te taimi ne faitau ei a ia ki te tusi tenei, ne mafaufau a John me ne fatoa lagona ne ia te munatonu mai te Tusi Tapu mō te taimi muamua. Ne fanatu a ia ki te lotou faifeau kae fesili atu ne ia a fesili e lua konā. Ne kamata o kaitaua te faifeau kae pei ne ia te Tusi Tapu ki tou tagata, kae pakalaga atu: “Ko fai koe mo Satani! Fakaasi mai ki a au i te Tusi Tapu me i a Iesu e se ko te Atua. Fakaasi mai ki a au a pati i konā me e se ‵tau mo koe o tapuaki atu ki a Malia. Fakaasi mai!” Ne mataku ‵ki a John i te faifeau telā ne fai atu ei a ia ki te faifeau, “Ka se toe sae mai eiloa au ki te lotu Katolika.” Kae ne seki toe kau atu eiloa a ia!

Ne kamata o suke‵suke a John mo te kau Molimau, ne kau atu a ia ki te tapuakiga tonu, kae ne kamata o tavini atu ki a Ieova. Fakamuli loa, ne fai foki penā a nisi tino i te lotou kāiga. I aso nei, koi lavea eiloa te ‵pulaga o te pakiaga i tena matikao i tena lima fakaatamai telā ne ‵kati ne ia i se 60 tausaga ko ‵teka. Koi masaua eiloa ne ia se faifaiga atafai a se Kelisiano telā ne fai ei ke tosina atu a ia ki se olaga i te tapuakiga ‵ma.—2 Koli. 6:4, 6.