Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga (Lōmiga mō Sukesukega)  |  Iuni 2017

E Iloa ne Koe?

E Iloa ne Koe?

E mata, ne ‵tau eiloa o taku ki “tino kai‵soa” a tino faipisinisi kolā ne ‵togi atu ne latou a manu i te faletapu i Ielusalema?

E ‵TUSA mo te tala i te Evagelia a Mataio, “ne ulu atu a Iesu ki loto i te faletapu kae afuli ne ia ki tua a tino katoa kolā e fakatau kae ‵togi olotou mea i ei. Ne tuletule ne ia ki lalo a taipola a tino ‵fuli tupe kae fakatau lupe. Ne fai atu a ia ki a latou: ‘E tusi i te tusi: “A toku fale ka fakaigoa ki te fale e fai i ei a ‵talo, kae ko fai ne koutou mo fai se ana o tino kai‵soa.”’”Mata. 21:12, 13.

E fakaasi mai i tala mua a te kau Iutaia me ne fakapuapuaga ne tino faipisinisi i te faletapu a tino mai te avakaga ki luga o ‵togi o olotou mea. E pelā mo te mea ne fakamau i te Mishnah (Keritot 1:7) i te senitenali muamua T.A. i te taimi ne fanaka ei te ‵togi o te avā manu eva ki te tenali aulo. E ‵pau eiloa te aofaki tenā mo te ‵togi o se leipa sē atamai mō aso e 25. A manu eva io me ko lupe ne taulaga kolā ne talia mai tino ma‵tiva; kae ne gasolo aka eiloa o ‵togi ‵mafa a manu konei. (Levi. 1:14; 5:7; 12:6-8) A te lapi ko Simeon ben Gamaliel, ne kaitaua ‵ki ki te faifaiga tenei i te fenua, ne tuku ifo ne ia ki lalo te aofaki o taulaga, telā ne pa‵kū fakavave ki lalo te ‵togi o te avā manu i se fakaselau taimi mai te ‵togi muamua.

Ona ko fakamatalaga mai luga, ne tonu eiloa a Iesu i te takuga ne ia o tino faipisinisi i te faletapu ki “tino kai‵soa” ona ko olotou uiga fakaloi‵loi mo te kaima‵nako.