Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Napa 1 2016

E Iloa ne Koe?

E Iloa ne Koe?

I taimi o te Tusi Tapu, ne faite kae ne fakaaoga pefea a pelugā tusi?

Se Pelugā Tusi Fakamuli o te Tusi ko Eseta Telā ne Faite ki pa‵Kili Manu mo ne Pepa Malosi, Mai te 18 Senitenali T.A.

Ne faipati a te Evagelia a Luka e uiga ki te ‵talaga ne Iesu o te pelugā tusi a Isaia, faitau mai i ei, kae oti ko toe pelu ei ne ia. I te fakaotiga o te Evagelia a Ioane, ne faipati foki a Ioane e uiga ki te pelugā tusi, ne fai mai a tou tagata me ne seki mafai ne ia o aofia i ana pelugā tusi a fakailoga katoa kolā ne fai ne Iesu.—Luka 4:16-20; Ioane 20:30; 21:25.

Ne faite pefea a pelugā tusi? Ne faka‵piki fakatasi a pa‵kili manu io me ne pa‵kili lakau ko te mea ke maua se pepa loa ‵ki. Ko pelu ei te pepa tenā ki se lakau mo te feitu telā e tusi i ei kae ‵fuli ki loto. A tusitusiga i ei e tusi fakaloa‵loa ki lalo o fano ki te lauefaga o te pepa. Kafai a te pelugā tusi ko loa, e manakogina ne lakau e lua i feitu o te pepa, ko mafai ei ne te tino faitau o ‵tala te tusi ki tena lima e tasi kae pelu ki te suā lima ke oko loa ki te koga telā e manako a ia o faitau i ei.

E fai mai The Anchor Bible Dictionary: “A te mea e ‵lei ei a te pelugā tusi me e loa ‵ki [e masani o nofo ki se 33 futu (10 m)] kae mafai o aofia i ei a te tusi kātoa i se pelugā fua e tasi, kae kafai ko oti ne pelu ko se toe mafai o ‵solo a fakamatalaga i ei.” E pelā me se fakaakoakoga ko oti ne tuku taumate me ne manakogina se lola e 31 futu (9.5 mita) te loa mō te tusi Evagelia a Luka. I nisi fakanofonofoga, e mafai o ‵kati faka‵tonu a te feitu ki luga mo te feitu ki lalo o te pelugā tusi, vanisi faka‵lei ki te pumice stone telā se vaegā fatu mai te tai ko mafai ei o faka‵kala.

Ko oi a tino ne mafai o aofia i “faitaulaga pule” kolā ne taku mai i te Tusi Tapu i te ‵Gana Eleni?

Talu mai te taimi ne kamata ei a te fakasopoga o faitaulaga o tino Isalaelu, e tokotasi fua te tagata e maua ne ia te tauliaga ke tavini e pelā me se faitaulaga sili, telā ko te ‵toe galuega tāua eiloa i tena olaga kātoa. (Numela 35:25) Ko Alona ko te tino muamua ke tavini atu i te tulaga tenei. Mai tua ifo, a te tauliaga tenā ne tuku atu ne te tamana ki tena ulumatua tagata. (Esoto 29:9) A te tokoukega o tagata mai te gafa o Alona ne tavini atu e pelā me ne faitaulaga, kae ne nai tino eiloa ne tavini e pelā me ne faitaulaga sili.

I te taimi ne nofo ei a Isalaelu mai lalo o pulega a fenua fakaa‵tea, a tino pule kolā e se ne tino Isalaelu ne fakasopo kae tapale ne latou a faitaulaga sili Iutaia e tusa mo olotou manakoga. E lavea foki ne tatou me i tino kolā ne fakasopo aka toeitiiti kae fili mai katoa mai kāiga lauiloa, kae ko te tokoukega ne mai loa mai te gafa o Alona. A te tugapati “faitaulaga pule” e fakasino atu eiloa ki tino kolā e maua ne latou a te tofi fakafaitaulaga. E mafai o aofia i faitaulaga pule a ulu o kāiga e 24 o te kau faitaulaga; tino tāua mai kāiga o faitaulaga sili; mo faitaulaga sili mua kolā ne tapale kea‵tea, e pelā mo Anasa.1 Nofoaiga Tupu 24:1-19; Mataio 2:4; Maleko 8:31; Galuega 4:6.