VIWONEKE NTHE
Nkhani
Chithuzi

(Salimo 127:3-5)

  1. 1. Para munthu waŵa dada

    Na mwanakazi wababa mwana,

    Ŵakuchita kuŵikizgika,

    Ŵangatenge ngwawo ŵekha.

    Ni Yehova uyo waŵapa;

    Mupi wa umoyo na chitemwa.

    Wakuŵalongozga ŵapapi,

    Kuti ŵachite mwavinjeru.

    (KORASI)

    Mwana mwaŵikizgika waka;

    Wali mu mawoko ghinu.

    Ntheura mumusambizgenge

    Ulongozgi wa Yehova.

  2. 2. Mazgu ghose gha Yehova

    Ghakhalilire mu mtima winu.

    Ndigho musambizgenge ŵana;

    Ndiyo ntchito wamupani.

    Yowoyani nawo mu nthowa,

    Pakuwuka na pakupumura.

    Mphanyi ŵasungilira mazgu,

    Na kuŵa ŵakugomezgeka.

    (KORASI)

    Mwana mwaŵikizgika waka;

    Wali mu mawoko ghinu.

    Ntheura mumusambizgenge

    Ulongozgi wa Yehova.