Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Wukani!  |  Na. 5 2017

 KASI VIKAŴAKO VYEKHA?

Vikhokho vya Nkhonyo za mu Maji

Vikhokho vya Nkhonyo za mu Maji

PALI mtundu unyake wa nkhonyo za mu maji izo zili na vikhokho vyakuzizika. Vikhokho ivi vikovwira nkhonyo izi kuti zikhalenge makora mu malo ghakusuzga chomene. Vikovwiraso kuti nkhonyo izi zizizipizgenge nkhongono ya majigha. Ŵasayansi ŵakuzizikika na umo vikhokho ivi viliri ndipo ŵakughanaghana kuti ŵasande makora vikhokho ivi. Iwo ŵakughanaghana kuti para ŵangamanya makora umo vikhokho ivi vikugwilira ntchito, vingaŵawovwira kuti ŵapange magalimoto na kuzenga nyumba zakukhora izo zingavikilira makora ŵanthu nga umo vikhokho ivi vikuchitira.

Wonani fundo iyi: Ŵasayansi ŵali kusanga kuti nkhonyo zili na vikhokho mitundu paŵiri. Mtundu wakwamba ukuwoneka nga ni vikhokho viŵiri. Mtundu unyake uli na tumizere kuzingilira chikhokho chose.

Ŵasayansi ŵali kusanga kuti chikhokho icho chikuwoneka nga ni viŵiri, chili na tumizere kuwaro, uto tukovwira kuti maji ghathikirenge kuwaro kwa chikhokho ichi. Kweni chikhokho icho chili na tumizere kuzingilira chikhokho chose, chikuguzira maji pachanya. Kweni vikhokho vyose ivi vikovwira kuti maji ghankhongono ghatimbenge pa chigaŵa icho ntchakukhora chomene ndipo ivi vikovwira kuti nkhonyo yiŵe yakuvikilirika.

Ŵasayansi ŵali kupanga tunthu tunyake uto tukuwoneka nga ni vikhokho ivi. Ŵakayaniska tunthu twawo utu na vikhokho vya nkhonyo kuti ŵawone usange ivyo ŵali kupanga ni vyakukhora. Iwo ŵali kusanga kuti vikhokho vya nkhonyo ni vyakukhora chomene pakuyerezgera na ivyo ŵali kupanga.

Buku linyake likuti: “Para vingazakachitika kuti ŵasayansi ŵapanga galimoto yakuwoneka nga ni vikhokho ivi, mbwe yingazakaŵa yakutowa chomene kweniso yakukhora mwakuti yingavikilira awo ŵangakweramo.”—Scientific American.

Kasi mukuti wuli?: Kasi vikhokho vyakuzizika ivi, vikaŵako vyekha panji vikachita kulengeka?