Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

WUKANI! NA. 5 2016

 IVYO BAIBOLO LIKUYOWOYA PA NKHANI YA

Kuwonga

Kuwonga

Ukaboni ukulongora kuti para munthu wali na mtima wa kuwonga wakujipulika makora mu thupi, wakukhazikika maghanoghano, kweniso wakusangwa. Ntheura munthu waliyose wakwenera kuyezgayezga kuti waŵenge na mtima wa kuwonga.

Kasi kuwonga nkhuwemi wuli pa umoyo winu?

IVYO ŴA VYAUMOYO ŴAKUYOWOYA

Nkhani iyo yikalembeka mu kabuku kanyake (Harvard Mental Health Letter) yikulongosora kuti “pali ukaboni ukuru wakuti para munthu wali na mtima wa kuwonga wakuŵa wakukondwa chomene. Kanandi munthu wanthena wakukwiyakwiya yayi, wakuchezgeka, wakulwaralwara yayi, wakudandawura chomene yayi para wasangana na suzgo, kweniso wakukhala makora na ŵanyake.”

IVYO BAIBOLO LIKUYOWOYA

Baibolo likutiphalira kuti tiŵenge na mtima wa kuwonga. Mpositole Paulosi wakalemba kuti: “Longorani kuti muli ŵakuwonga.” Paulosi wakaŵa na mtima wa kuwonga. Chiyelezgero, wakawonga “Chiuta kwambura kuleka” chifukwa chakuti ŵanthu ŵanyake ŵakapokelera uthenga uwo wakaŵapharazgira. (Ŵakolose 3:15; 1 Ŵatesalonika 2:13) Munthu wakukondwa nadi chifukwa cha kuyowoya waka kuti nawonga yayi kweni chifukwa cha kuŵa na mtima wa kuwonga. Mtima uwu ungatovwira kuti tileke kuŵa ŵakujiwona, ŵabina, na kusunga vyakusingo. Ivi ni viheni, chifukwa vingachitiska kuti ŵanthu ŵatichimbire ndipo tingakondwa yayi na umoyo.

Tingasambira vinandi kwa Mlengi withu pa nkhani ya kuwonga, chifukwa iyo wakuwonga na ŵanthu wuwo. Lemba la Ŵahebere 6:10 likuti: “Chiuta ngwambura urunji yayi kuti waluwe mulimo winu na chitemwa icho mukalongora ku zina lake.” Nadi, Chiuta wakuwona kuti mburunji yayi usange tikuleka kuwonga.

“Sekelerani nyengo zose. Muwongenge Chiuta pa chilichose.”—1 Ŵatesalonika 5:16, 18.

 Kasi kuwonga kukovwira wuli kuti tikhalenge makora na ŵanyithu?

IVYO UKABONI UKULONGORA

Para munyithu watipa chawanangwa, watiyowoyera mazgu ghawemi, panji watovwira vinthu vinyake, ndipo ise tamuwonga kufumira pasi pa mtima, wakujipulika makora chomene. Ŵanthu ŵachilendo nawo ŵakukondwa chomene usange munthu munyake waŵawonga pa uwemi uwo ŵamuchitira.

IVYO BAIBOLO LIKUYOWOYA

Yesu Khristu wakati: “Mupelekenge, ndipo ŵanthu ŵamupaninge. Ŵazamukhutulira mu thumba la munjilira winu mweso uwemi, wakusindilika, wakusunkhunyika, na wakufuluka.” (Luka 6:38) Pulikani ivyo vikachitikira Rose, msungwana wakumangwa makutu wa ku Vanuatu, chirwa icho chili ku South Pacific.

Rose wakawungananga na Ŵakaboni ŵa Yehova, kweni wakawerangapo waka pa maungano agha. Chifukwa ntchakuti wakapulikanga yayi ivyo vikayowoyekanga, nakuti pa mpingo pakaŵavya uyo wakamanyanga chiyowoyero cha mawoko. Mwanalume munyake na muwoli wake awo ŵakamanyanga chiyowoyero cha mawoko ŵakati ŵafika pa mpingo uwu ŵakaliwona suzgo ili, ndipo ŵakambiska kilasi lakusambizga chiyowoyero cha mawoko. Rose wakawonga chomene. Iyo wakati: “Nili wakukondwa chomene kuŵa na ŵabwezi ŵanandi awo ŵakunitemwa.” Mbumba iyo yikamovwira, nayo yikukondwa chomene kuwona kuti Rose sono wakupulika pa maungano na kuzgorapo ndipo ngwakukondwa. Rose wakuwongaso chomene awo ŵakalimbikira kusambira chiyowoyero cha mawoko mwakuti ŵayowoyenge nayo.—Milimo 20:35.

‘Uyo wakupeleka viwongo kuŵa sembe yake wakuchindika Chiuta.’—Salimo 50:23.

Kasi mungachita wuli kuti muŵe na mtima wa kuwonga?

IVYO BAIBOLO LIKUYOWOYA

Ivyo tikuchita vikukolerana chomene na ivyo tikughanaghana. Davide, uyo wakalembako Baibolo, wakaphalira Chiuta kuti: “Nkhulanguruka pa vyose ivyo mukuchita. Nkhughanaghanira pa mulimo wa mawoko ghinu.” (Salimo 143:5) Davide wakatimbanizgikanga bweka yayi. Wakaŵa na mtima wa kuwonga chifukwa chakuti nyengo zose wakaghanaghaniranga nthowa za Chiuta. Wakachitanga ivi kufuma pa uwukirano wake.—Salimo 71:5, 17.

Baibolo likutipa ulongozgi uwemi chomene, wakuti: “Vinthu vyose vyaunenesko, vinthu vyose vyakuzirwa, vinthu vyose vyaurunji, vinthu vyose vituŵa, vinthu vyose vyakutemweka, vinthu vyose vya mbiri yiwemi, nkharo yiliyose yiwemi, na vinthu vyose vyakulumbika, lutilirani kughanaghanira vinthu ivi.” (Ŵafilipi 4:8) Mazgu ghakuti “lutilirani kughanaghanira” ghakutovwiraso kumanya kuti ntchakukhumbikwa kuti tilangurukenge nyengo zose. Ichi ndicho chitovwirenge kuti tiŵe na mtima wa kuwonga.

“Ivyo nkhughanaghana mu mtima wane vilongorenge mahara.”—Salimo 49:3.