Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

WUKANI! Na. 4 2017 | Kasi Mukutangwanika Chomene?

Mazuŵa ghano ŵanthu ŵanandi mbakutangwanika chomene, ndipo nyengo zinyake ubwezi ukutimbanizgika kweniso mbumba zikusuzgika.

Kasi tingachita wuli kuti tigaŵenge makora nyengo?

Baibolo likuti: “Woko limoza lakuzura na chipumulo ndiwemi kuluska mawoko ghaŵiri ghakuzura na kuphyoka na kuchimbizga waka mphepo.”—Mupharazgi 4:6.

Magazini iyi yili na masachizgo agho ghangatovwira kuti tigaŵenge makora nyengo mwa kuŵika pakwamba vyakuzirwa chomene.

 

NKHANI YA PA CHIKOPI

Kasi Mukutangwanika Chomene?

Ŵanandi vikuŵasuzga kuchita makora milimo yapanyumba chifukwa ŵakutangwanika chomene ku ntchito. Ntchivichi chikupangiska ŵanthu kuti ŵatangwanikenge? Kasi suzgo ili lingamara wuli?

Kayuni Kakuzizika

Kale ŵanthu ŵakatenge tuyuni twakuchemeka arctic terns tukuduka mtunda wa makilomita pafupifupi 35,200 pa chaka kufuma ku Arctic kukafika ku Antarctic.kweni vikulongora kuti kayuni aka kangaduka mtunda wakujumpha apa.

‘Zina Liwemi Ndakuzirwa Kuluska Usambazi Unandi’

Kasi tingachita wuli kuti tiŵe na lumbiri luwemi kweniso kuti ŵanthu ŵatichindikenge?

VYAKOVWIRA MABANJA

Para Ŵana Ŵafumapo Panyumba

Kanandi ŵapapi ŵakusuzgika para ŵana ŵakura na kufumapo pa nyumba. Kasi ŵapapi ŵangachita wuli para ŵana ŵafumapo panyumba?

KUFUMBA MUNTHU

Kaswiri wa Wongo Wakulongosora Chipulikano Chake

Professor Rajesh Kalaria wakuyowoya vya ntchito na chipulikano chake. Kasi vikamba wuli kuti wambe kutemwa sayansi? Chifukwa wuli wakasandaso ivyo wakagomezganga?

IVYO BAIBOLO LIKUYOWOYA

Kuyezgeka

Para munthu wathera ku chiyezgo, nthengwa yingamara, wangasuzgika maghanoghano panji kulwara. Kasi tingachita wuli kuti vyanthena ivi vileke kutichitikira?

KASI VIKAŴAKO VYEKHA?

Vipasi Vyakutowa vya Pollia Berry

Tuvipasi twa pollia berry nthwabuluu chomene ndipo ndito twekha uto tukuwoneka nthena. Ndipouli, tuvipasi utu mtundu wake ngwabuluu yayi. Kweni kasi chikuchitika ntchivichi kuti tuwonekenge twabuluu?

Zinyake izo Zalongoreka mu Magazini

Kasi Baibolo Lingatovwira Kuŵa Ŵakukondwa mu Nthengwa?

Baibolo lili na ulongozgi uwo wawovwira mabanja ghanandi kuŵa ghakukondwa.

Monica Richardson: Dokotala Wakulongosora za Chipulikano Chake

Monica wakawona kuti ivyo vikuchitika para mwana wakubabika, vikulongora kuti walipo uyo wakuvipangiska. Kasi wakayowoya vichi chifukwa cha ivyo wakawona wati waŵa dokotala?