Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Wukani!  |  Na. 2 2017

 NKHANI YA PA CHIKOPI | VYAMASALAMUSI NI VYAKOFYA

Vyamasalamusi Vyazara Chomene!

Vyamasalamusi Vyazara Chomene!

Nyuzipepara yinyake yikati: “Mazuŵa ghano, vyamasalamusi vyazara chomene kuluska kale.”—The Wall Street Journal.

MAZUŴA ghano vyamasalamusi vili waka palipose. Mafilimu, mavidiyo, kweniso mu mabuku ŵakulongora fwiti zilara na ŵana wuwo. Chifukwa wuli vyazara nthena? *

Pulofesa Claude Fischer wakati: “Ŵanthu ŵanandi ku America mazuŵa ghano ŵakugomezga chomene vyamasalamusi kuluska kale. Ndipo ŵachinyamata ŵanandi ndiwo ŵali panthazi chomene pa nkhani iyi kuluska ŵalara.”

Lekani ntchakuzizika yayi kupulika kuti ŵanthu ŵanandi viŵanda vikuŵasuzga panji kuŵawofya. Michael Calia wakalemba mu nyuzipepara kuti: “Mazuŵa ghano mitheto ya ŵanthu ŵanandi njakuzara na vinthu vyaufwiti panji kuti vyauchiŵanda.”—The Wall Street Journal.

Lipoti linyake likuti “kulikose pa charu chapasi ŵanthu ŵanandi ŵakugomezga chomene vyamasalamusi, mizguka, na vinyake.” Kafukufuku uyo wakachitika ku United States na pulofesa Christopher Bader kweniso Carson Mencken “wakalongora kuti pa ŵanthu 100, ŵanthu ŵakujumpha 70 ku America ŵakugomezga mtundu unyake wamasalamusi.”

Kasi pali uheni uliwose usange munthu wakugomezga vyamasalamusi?

^ ndime 4 Dikishonare yinyake yikuti vyamasalamusi “ni vyakuti ŵasayansi ŵangavilongosora yayi ndipo vikuchitika mwakupambana na umo vikwenera kuchitikira.”—Merriam-Webster’s Learner’s Dictionary.