Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

WUKANI! NA. 2 2016

 IVYO BAIBOLO LIKUYOWOYA PA NKHANI YA

Kwenjerwa

Kwenjerwa

Kwenjerwa kuli paŵiri. Kunyake nkhuwemi kweni kunyake nkhwakupweteka. Baibolo likutovwira kuti timanye mitundu yose yiŵiri ya kwenjerwa.

Kasi kwenjerwa nkhwakawiro?

IVYO TIKWENERA KUMANYA

Para munthu wakwenjerwa wakufwasa yayi, wakuchita wofi, panji wakufipa mtima. Waliyose wa ise wangamba kwenjerwa pakuti tikukhala mu charu chiheni.

IVYO BAIBOLO LIKUYOWOYA

Themba Davide likalemba kuti: “Kasi niŵenge wakwenjerwa, na wachitima mu mtima wane zuŵa lililose m’paka pawuli?” (Salimo 13:2) Kasi ntchivichi chikamovwira Davide pa suzgo ili? Ni lurombo. Wakapungulira mtima wake kwa Chiuta, ndipo wakathemba chomene lusungu lwa Chiuta. (Salimo 13:5; 62:8) Nakuti Chiuta wakutiphalira kuti timuthulire masuzgo ghithu. Lemba la 1 Petrosi 5:7 likuti: “Muthulirani [Chiuta] vyose ivyo mukwenjerwa navyo, chifukwa wakumupwelelerani.”

Tingaleka kwenjerwa chomene usange tikuchitira viwemi ŵabali ŵithu awo tikuŵafipira mtima

Kweni pali vinthu vinyake ivyo tingachita kuti tileke kwenjerwa chomene. Nyengo yinyake Paulosi wakamba “kwenjelwera mipingo yose,” ntheura wakayezgayezga kuti waŵasanguluske na kukhwimiska awo wakaŵafipiranga mtima. (2 Ŵakorinte 11:28) Apa tingati kwenjerwa kwa Paulosi kukaŵa kuwemi chifukwa kukamovwira kuti wawovwire awo ŵakakhumbikwiranga wovwiri. Nase tingachita vyanthena ivi. Kweni usange tikuzerezga kovwira ŵanyithu, tingalongora kuti tikuŵafipira mtima yayi.—Zintharika 17:17.

“Kulaŵiska pa ivyo imwe mukukhumba pera yayi, kweniso ivyo ŵanyinu ŵakukhumba.”—Ŵafilipi 2:4.

 Kasi mungachita wuli usange mukwenjerwa mwakujumphizga?

IVYO TIKWENERA KUMANYA

Nyengo zinyake ŵanthu ŵakwenjerwa chifukwa cha ivyo ŵakabuda kumasinda, ivyo vizenge munthazi, panji chifukwa cha suzgo la ndalama. *

IVYO BAIBOLO LIKUYOWOYA

Kufipa mtima na ivyo mukabuda kumasinda: Nyengo yakale ŵanthu ŵanyake ŵakaŵa ŵaloŵevu, ŵakuphanga, ŵaleŵi, na ŵankhungu pambere ŵandazgoke Ŵakhristu. (1 Ŵakorinte 6:9-11) M’malo mwa kughanaghana chomene ivyo ŵakachita kumasinda, ŵakasintha nthowa zawo na kwamba kugomezga kuti Chiuta waŵachitirenge lusungu lukuru. Lemba la Salimo 130:4 likuti: “Imwe [Chiuta] mukugowokera zanadi, mwakuti muwopeke.”

Kufipa mtima na ivyo viŵengeko namachero: Yesu Khristu wakati: “Kwenjerwa napachoko chara vya zuŵa lakulondezgapo, chifukwa zuŵa lakulondezgapo liŵenge na vyenjezgo vyake.” (Mateyu 6:25, 34) Kasi fundo yake yikaŵa yakuti wuli? Fundo yake njakuti tikwenera kumazga dankha masuzgo gha zuŵa ilo tafikako. Tileke kutora masuzgo gha zuŵa lakulondezgapo na kusazga na gha zuŵa ilo tilimo. Para tachita nthena mahara ghangatimalira, ndipo tingachita vinthu kwambura kughanaghanirapo. Kweniso kumbukani kuti vinthu vinandi ivyo tikwenjerwa navyo, pamanyuma tingazakasanga kuti ni vyambura kuzirwa.

Kwenjerwa chifukwa cha ndalama: Munthu munyake wavinjeru wakalomba Chiuta kuti: “Munganipanga ukavu chara nesi usambazi.” (Zintharika 30:8) Kweni iyo wakakhumbanga kuti waŵenge wakukhorwa na ivyo wali navyo, nakuti ndivyo Chiuta wakukhumba. Pa Ŵahebere 13:5, tikuŵazga kuti: “Umoyo winu uŵenge wambura kutemwa ndalama, uku mukukhorwa na vinthu ivyo vilipo. Pakuti iyo [Chiuta] wati: “‘Nikulekenge yayi napachoko nesi kukutaya munthowa yiliyose.’” Chiuta wakutondeka yayi kovwira awo ŵakumugomezga na kukhala umoyo wambura kukhumba vinandi. Kweni nyengo zinyake ndalama zikutondeka kovwira uyo wakuzigomezga.

“Nindawonepo kuti murunji wasidika, panji ŵana ŵake kupempheska chingwa.”—Salimo 37:25.

Kasi taŵanthu tizamuŵapo ŵambura kwenjerwa nthena?

IVYO ŴANTHU ŴAKUYOWOYA

Mutolamakani Harriet Green, mu 2008 wakalemba mu nyuzipepara yinyake (The Guardian) kuti: “Tafika mu nyengo iyo ŵanthu ŵanandi ŵakwenjerwa.” Mu 2014, Patrick O’Connor wakalemba mu nyuzipepara yinyake (The Wall Street Journal) kuti: “Sono ŵanthu ŵanandi mu America mbakwenjerwa chomene kuluska kumasinda.”

IVYO BAIBOLO LIKUYOWOYA

“Mtima wa munthu ukulopwa chifukwa cha kwenjerwa, kweni mazgu ghawemi ghakuwukondweska.” (Zintharika 12:25) “Mazgu ghawemi” ni ‘makani ghawemi gha Ufumu.’ (Mateyu 24:14) Sonosono apa, Ufumu wa Chiuta uwu uzamuchita ivyo ise tingachita yayi. Uzamuwuskapo vinthu vyose ivyo tikwenjerwa navyo nga mbulwari na nyifwa. “[Chiuta] wazamufyura masozi ghose ku maso [ghithu], ndipo nyifwa yizamuŵakoso yayi. Kuzamuŵavya kutengera panji kulira, kutampha nesi vyakuŵinya.”—Chivumbuzi 21:4.

“Mphanyi Chiuta uyo wakupeleka chigomezgo wamupani chimwemwe chikuru na mtende chifukwa mukumugomezga.”Ŵaroma 15:13.

^ ndime 10 Ŵanthu awo ŵakulwara chifukwa cha kwenjerwa chomene ŵangachita makora kukakumana na dokotala. Magazini ya Wukani! yikuphalirapo yayi ŵanthu munkhwala panji wovwiri uwo ŵangapokera.

Manyani Vinandi

Kasi Mungachita Wuli Para Mukwenjerwa?

Para vinthu vyamusuzgani chomene, Baibolo lingawovwira.

Kasi Chiuta Wakakhumbanga Kuti Vinthu Viŵe Nthena?

Mukwenera kuti mukuzizwa kuwona kuti masuzgo nganandi mazuŵa ghano. Kasi mukumanya kuti Baibolo likuti vinthu vizamusintha kunthazi ndiposo kuti namwe muzamupindura na kusintha uku?