Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Gongwe la Mulinda  |  Na. 1 2017

Pa charu pali masuzgo ghanandi. Kasi Chiuta ndiyo wakuchitiska masuzgo agha?

Kasi Baibolo Likuti Wuli?

Kasi Baibolo Likuti Wuli?

Kasi Chiuta ndiyo wakuchitiska masuzgo?

Kasi mungati?

  • Enya

  • Yayi

  • Panyake

Ivyo Baibolo likuyowoya

“Chiuta waunenesko wangachita uheni chara, wankhongonozose wangachita kwananga chara!” (Yobu 34:10) Masuzgo agho tikusangana nagho wakuchitiska ni Chiuta yayi.

Ni vichi vinyake ivyo tikusambira mu Baibolo?

  • Satana Dyabulosi, uyo ni “fumu ya charu” ichi, ndiyo wakuchitiska masuzgo.—Yohane 14:30.

  • Nyengo zinyake taŵanthu tikusangana na masuzgo chifukwa cha mphuvya zithu.—Yakobe 1:14, 15.

Kasi masuzgo ghamalenge?

Ŵanthu ŵanyake ŵakuti usange maboma ghangakolerana ghangamazga masuzgo ghithu. Kweni ŵanyake ŵakukayika usange ivi vingachitika nadi chifukwa vinthu vikulutilira kunangika. Imwe mukuti wuli?

Ivyo Baibolo likuyowoya

Chiuta wazamumazga masuzgo ndipo “nyifwa yizamuŵakoso yayi. Kuzamuŵavya kutengera panji kulira, kutampha nesi vyakuŵinya.”—Chivumbuzi 21:3, 4.

Ni vichi vinyake ivyo tikusambira mu Baibolo?

  • Chiuta wazamutuma Yesu kuti wamazge masuzgo agho Satana wali kwambiska.—1 Yohane 3:8.

  • Ŵanthu ŵawemi ŵazamukhala mwamtende pa charu chapasi kwamuyirayira.—Salimo 37:9-11, 29.

 

Manyani Vinandi

Kasi Baibolo Likusambizgachi Chomenechomene?

Unenesko Wakuyowoya za Chiuta

Kasi mukuwona kuti Chiuta wakumupwelerani imwe pamwekha? Sambirani mikhaliro yake kweniso umo wangaŵira mubwezi winu.