Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA NA. 1 2017

 NKHANI YA PA CHIKOPI | KASI MUNGACHITA WULI KUTI MUPULIKISKENGE BAIBOLO?

Kasi Mungachita Wuli Kuti Mukondwenge Para Mukuŵazga Baibolo?

Kasi Mungachita Wuli Kuti Mukondwenge Para Mukuŵazga Baibolo?

Ŵanyake ŵakuti vikunozga kuŵazga Baibolo, apo ŵanyake ŵakuti yayi. Imwe mukuti wuli? Manyani kuti pali vinthu ivyo vikukhumbikwa kuti mukondwenge pakuŵazga Baibolo. Tiyeni tiwone ivyo mungachita.

Sankhani Baibolo lakung’anamurika makora. Manyani kuti mungakondwa yayi para mukuŵazga Baibolo ilo lili na mazgu ghakusuzga agho ŵanthu ŵali kuleka kuyowoya. Ntheura mukwenera kusankha Baibolo lipusu. Kweni mukwenera kuwoneseska kuti Baibolo ilo mukuŵazga lili kung’anamulika makora kwambura kuwuskako fundo zinyake. *

Ŵerengerani pa vinthu vyasono. Mazuŵa ghano mungaŵerengaso Baibolo pa kompyuta, foni panji pa tabuleti. Mungaŵerengera pa Intaneti panji mungachita dawunilodi. Nyengo zinyake mungawona umo fundo iyo mukuŵazga yili kulembekera pa vesi linyake panji mu Mabaibolo ghanyake. Kweniso mu viyowoyero vinyake, Baibolo likusangika lakuti mungategherezga waka. Ŵanyake ŵakutemwa kutegherezga para ŵali paulendo, ŵakuchapa, panji ŵakugwira kantchito kanyake. Namwe mungayezga nthowa iyo mukuwona kuti njiwemi kwa imwe.

Gwiliskirani ntchito vinthu ivyo vingamovwirani kupulikiska Baibolo. Mabaibolo ghanyake ghali na vinthu ivyo vingamovwirani kupulikiska ivyo mukuŵerenga. Mwachiyelezgero, ghanyake ghali na mapu. Mapu ghangamovwirani kumanya malo agho ghakuzunulika mu Baibolo na kuŵa na chithuzi cha ivyo mukuŵazga. Nkhani izo zikusangika mu  magazini gha Gongwe la Mulinda na pa webusayiti ya jw.org, pa chigaŵa cha “Ivyo Baibolo Likusambizga,” zingamovwiraniso kupulikiska Baibolo.

Mungasintha. Usange mukuwona kuti mungafiska yayi kuŵazga Baibolo kufuma waka pakwamba m’paka paumaliro, mungasankha kwamba na nkhani izo mukuzitemwa chomene. Panji mungamba kuŵazga nkhani ya munthu munyake wakumanyikwa uyo wakuzunulika mu Baibolo uyo mwakhumba. Pa kabokosi kakuti “ Ŵamanyani Makora Ŵanthu Awo Ŵakuzunulika mu Baibolo,” pali mazina gha ŵanthu ŵanyake awo ŵakuzunulika Baibolo. Panyake mungasankha kwamba na nkhani kuyana na nyengo iyo vinthu vikachitikira. Wuli muyezge kuŵazga nkhani za ŵanthu aŵa kuti muŵamanye makora?

^ ndime 4 Ŵanthu ŵanandi ŵakuwona kuti Baibolo la Mang’anamuliro gha Charu Chiphya lili kung’anamulika makora, kwambura kuwuskako fundo zinyake panji kusazgirako kweniso lili na mazgu ghapusu. Baibolo ili ŵali kung’anamura Mbakaboni ŵa Yehova ndipo likusangika mu viyowoyero vyakujumpha 130. Mungachita dawunilodi Baibolo ili pa webusayiti ya jw.org panji mungachita dawunilodi pa JW Library app. Kweniso Ŵakaboni ŵa Yehova ŵangamupani Baibolo ili usange mukulikhumba.

Manyani Vinandi

Fundo Izo Zikovwira pa Kung’anamura Baibolo

Fundo zinkhondi izo zikawovwira pakung’anamura Baibolo la Mang’anamuliro gha Charu Chiphya.