Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA OCTOBER 2015

Mafumbo Agho Baibolo Likuzgora

Mafumbo Agho Baibolo Likuzgora

Kasi ukavu uzamumara?

Kasi Chiuta wazamuchita wuli kuti pa charu pazakaŵavye ukavu?—Mateyu 6:9, 10.

Ukavu ukukomeska ŵanthu mamiliyoni ghanandi pa chaka. Ŵakufwa chifukwa cha njara na matenda. Vyaru vinyake ni visambazi, kweni ŵanthu ŵanandi ŵali mu ukavu wazanimuwone. Baibolo likulongora kuti ukavu ukamba nikale pakati pa ŵanthu.—Ŵazgani Yohane 12:8.

Kuti ukavu uzakamare, pakukhumbikwira boma ilo lingaŵa na mazaza pa charu chose. Boma ili likwenera kugaŵira ŵanthu vinthu mwakuyana kweniso kumazga nkhondo, izo zikwambiska chomene ukavu. Chiuta wali kulayizga kuti boma lanthena ili lizenge.—Ŵazgani Daniel 2:44.

Ni njani wazamumazga ukavu?

Chiuta wali kwimika Mwana wake Yesu kuti wazakalongozge ŵanthu wose. (Salmo 2:4-8) Yesu wazamuthaska ŵakavu kweniso wazamulekeska kuyuzgana na nkhaza.—Ŵazgani Salmo 72:8, 12-14.

Yesu ni ‘Karonga wa Chimango,’ ndipo wazamuŵika bata na mtende pa charu. Pa nyengo iyo, ŵanthu wose ŵazamukhala mu nyumba zawo, ŵazamugwira ntchito ziwemi, kweniso ŵazamuŵa na vyakurya vinandi.—Ŵazgani Yesaya 9:6, 7; 65:21-23.

 

Manyani Vinandi

Kasi Yesu Wazamucita Vici Kunthazi?

Yesu wacitengepo kanthu kuti pa caru paŵe mtende.

Kasi Tizamuŵapo na Boma Limoza pa Charu Chose?

Boma la pa charu chose lizamovwira kuti pa charu paŵe bata na mtende. Chifukwa wuli tingagomezga kuti Chiuta waŵikengepo nadi boma ili? Ninjani wazamuŵa fumu?