Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA OCTOBER 2015

 NKHANI YA PA CHIKOPI | KASI KULOMBA NKHWAKOVWIRA NADI?

Chifukwa Wuli Ŵanthu Ŵakulomba?

Chifukwa Wuli Ŵanthu Ŵakulomba?

Samuel, * wa ku Kenya wakati: “Nkhatemwanga chomene njuga. Nkhalombanga kuti niwine vindalama vinandi. Kweni nkhawinapo yayi.”

Teresa, wa ku Philippines wakati: “Apo tikaŵa pa sukulu, tose tikayowoyanga pamtima malurombo agho ŵakatisambizga.”

Magdalene, wa ku Ghana wakati: “Para nasuzgika nkhulomba. Nkhulombaso kuti Chiuta wanigowokere zakwananga kweniso kuti niŵe Mkhristu muwemi.”

Ivyo wakayowoya Samuel, Teresa, na Magdalene vikulongora kuti ŵanthu ŵakulomba pa vifukwa vinandi. Vinyake vyamahara vinyake yayi. Ŵanyake ŵakulomba kufuma pasi pamtima. Kweni ŵanyake ŵakulomba mwadango waka. Ŵanyake ŵakulomba kuti ŵakwere mayeso, kuti timu yawo yiwine, kuti Chiuta waŵavwire mu nthengwa yawo, na vinyake vinandi. Ivi vikulongora kuti ŵanthu ŵanandi ŵakuwona kuti kulomba ntchinthu chakukhumbikwa. Nakuti ukaboni ukulongora kuti ŵanthu ŵanyake awo ŵakusopa yayi nawo ŵakulomba kanandi.

Kasi imwe mukulomba? Usange mukulomba, kasi mukulomba vichi? Kwali mukutemwa kulomba kwali yayi, nyengo zinyake mungajifumba kuti: ‘Kasi kulomba nkhwakovwira nadi? Kasi waliko uyo wakupulika?’ Munthu munyake wakalemba kuti kulomba ‘ni nthowa yakupepuskirako masuzgo. Vikuyana waka na munthu uyo wakuyowoya na chiŵeto.’ Ŵadokotala ŵanyake ŵakuti kulomba ni munkhwala. Kasi ŵanthu awo ŵakulomba ŵakuphyokapo waka panji ŵakusangapo uwemi?

Baibolo likuti kulomba ni nthowa yakupepuskirako waka masuzgo yayi. Likutiphalira kuti waliko uyo wakupulikizga para ŵanthu ŵakulomba mwakwenelera kweniso ŵakulomba vinthu vyakwenelera. Kasi uwu mbunenesko? Tiyeni tiwone ukaboni.

^ ndime 3 Mazina ghanyake mu nkhani iyi ghasinthika.