Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA SEPTEMBER 2015

Mafumbo Agho Baibolo Likuzgora

Mafumbo Agho Baibolo Likuzgora

Chifukwa wuli mu Baibolo muli mauchimi?

Kasi Baibolo likuti wuli na vinthu ivyo vikuchitika mazuŵa ghano?—Luka 21:10, 11.

Mu Baibolo muli mauchimi ghanandi. Palije munthu uyo wangayowoya ndendende ivyo vizamuchitika kunthazi. Ntheura pakuti mauchimi ghakufiskika mbukaboni wakuti Baibolo ni Mazgu gha Chiuta.—Ŵazgani Joshua 23:14; 2 Petrosi 1:20, 21.

Mauchimi agho ghali kufiskika ghakutovwira kuŵa na chipulikano mwa Chiuta. (Ŵahebere 11:1) Mauchimi agho ghali kufiskika ghakutipaso chigomezgo chakuti Chiuta wazamufiska ivyo wali kulayizga. Ntheura, mauchimi ghakutipa chigomezgo cheneko.—Ŵazgani Salmo 37:29; Ŵaroma 15:4.

Kasi mauchimi gha mu Baibolo ghakutovwira wuli?

Mauchimi ghanyake ghakutichenjezga kuti tichitepo kanthu. Mwachiyelezgero, Ŵakhristu ŵakwambilira ŵakati ŵawona kuti uchimi unyake wafiskika, ŵakafumamo mu Yerusalemu. Pamanyuma, apo msumba ukaparanyikanga chifukwa chakuti ŵanthu ŵanandi ŵakamukana Yesu, Ŵakhristu ŵakaŵa kuti ŵachimbiramo kale mu msumba uwu ndipo ŵakapona.—Ŵazgani Luka 21:20-22.

Mazuŵa ghano, mauchimi agho ghali kufiskika ghakulongora kuti sonosono apa Ufumu wa Chiuta uparanyenge maufumu ghose gha ŵanthu. (Daniel 2:44; Luka 21:31) Ntheura waliyose wakwenera kuchitapo kanthu sono kuti watemweke na Yesu Khristu, Themba ilo Chiuta wali kusora.—Ŵazgani Luka 21:34-36.

 

Manyani Vinandi

Kasi Ufumu wa Chiuta Ni Vichi?

Chifukwa wuli boma la Chiuta ndapachanya chomene?

Umo Uchimi wa Daniyeli Ukayowoyerathu za Kwiza kwa Mesiya

Vyaka 500 pambere Yesu wandababike, Chiuta wakavumbulira Daniyeli nyengo iyo Mesiya wizirenge. Sambirani vinthu vyakukhwaskana na uchimi uwu