Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

GONGWE LA MULINDA MARCH 2015

Mafumbo Agho Baibolo Likuzgora

Mafumbo Agho Baibolo Likuzgora

Chifukwa wuli tikwenera kukumbukira nyifwa ya Yesu?

Kasi Tizamusanga Vitumbiko wuli Chifukwa cha Nyifwa ya Yesu?—Yesaya 25:8; 33:24

Nyifwa ya Yesu njakuzirwa chomene. Wakatifwira kuti wawezgerepo umoyo wa urunji. Chiuta wakatilenga kuti tichitenge viheni yayi, kulwara panji kufwa. (Genesis 1:31) Tose ndise ŵakwananga chifukwa tili kufuma kwa Adamu. Ntheura Yesu wakatifwira kuti watiwombore ku kwananga na nyifwa.—Ŵazgani Mateyu 20:28; Ŵaroma 6:23.

Chiuta wakalongora chitemwa chapadera pakutuma Mwana wake pa charu chapasi kuti wazakatifwire. (1 Yohane 4:9, 10) Yesu wakaphalira ŵasambiri ŵake kuti ŵakumbukirenge nyifwa yake. Pakukumbukira nyifwa iyi, pakuŵa chingwa na vinyo. Tingalongora kuti tikuwonga chitemwa icho Chiuta na Yesu ŵali kutilongora para chaka chilichose tikukumbukira nyifwa ya Yesu.—Ŵazgani Luka 22:19, 20.

Kasi mbanjani ŵakwenera kurya chingwa na kumwa vinyo?

Apo Yesu wakaphaliranga ŵasambiri ŵake kuti ŵakumbukirenge nyifwa yake, wakachita nawo phangano. (Mateyu 26:26-28) Phangano ili likaŵa lakuti ŵakaŵe mathemba na ŵasofi pamoza na iyo kuchanya. Nangauli ŵanthu ŵanandi ŵakukumbukira nyifwa yake, kweni ŵekha awo ŵali mu phangano ili ndiwo ŵakwenera kurya chingwa na kumwa vinyo.—Ŵazgani Uvumbuzi 5:10.

Kwa vyaka pafupifupi 2,000, Yehova wakusankha awo ŵazamuŵa mathemba. (Luka 12:32) Ŵanthu aŵa mbachoko chomene pakuyaniska na awo ŵazamukhala kwamuyirayira pa charu chapasi.—Ŵazgani Uvumbuzi 7:4, 9, 17.

 

Manyani Vinandi

KUKUMBUKIRA NYIFWA YA YESU

Kukumbukira Nyifwa ya Yesu

Chaka chilichose ŵanthu ŵanandi ŵakuwungana kuti ŵakumbukire nyifwa ya Yesu. Tikumuchemani kuti muzakaŵepo pa zuŵa ili kuti muzakamanye kuzirwa kwa nyifwa ya Yesu kwa imwe.

Kasi Baibolo Likusambizgachi Chomenechomene?

Sembe—Yakuwombora Ntchawanangwa Chapadera

Kasi sembe yakuwombora ni vichi? Sembe iyi yingamovwirani wuli?

MAFUMBO AGHO BAIBOLO LIKUZGORA

Kasi Yesu Wakafwira pa Mphinjika?

Ŵanthu ŵanandi ŵakughanaghana kuti mphinjika ntchimanyikwiro cha Ŵakhristu. Kasi tikwenera kugwiliskira ntchito mphinjika pakusopa?