Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

GONGWE LA MULINDA NOVEMBER 2014

Mafumbo Agho Baibolo Likuzgora

Mafumbo Agho Baibolo Likuzgora

Kasi Yesu wakawuskanga nadi ŵakufwa?

Yesu wakawuska Lazaro uyo wakaŵa wakufwa mazuŵa ghanayi

Baibolo likuyowoya makora kuti Yesu wakawuskanga ŵanthu ŵakufwa. Nkhani za mu Baibolo ni vidokoni waka yayi, chifukwa zikuzunura malo na nyengo iyo Yesu wakawuskira ŵakufwa. Mwachiyelezgero, mu 31 C.E., Yesu wakafuma ku Kaperenaumu na kuluta ku Nayini pamoza na wumba ukuru. Apo wakafikanga ku Nayini wakasanganaso na wumba unyake. Mungagomezga kuti Yesu wakawuskanga nadi ŵanthu chifukwa vili kulembeka mu Baibolo, ndipo pakaŵanga ŵanthu ŵanandi awo ŵakawonanga.—Ŵazgani Luka 7:11-15.

Yesu wakawuskaso Lazaro mubwezi wake uyo wakaŵa kuti wafwa mazuŵa ghanayi. Nkhani iyi nayo mungayigomezga, chifukwa pakaŵaso ŵanandi awo ŵakawona.—Ŵazgani Yohane 11:39-45.

Chifukwa wuli Yesu wakawuskanga ŵakufwa?

Yesu wakawuskanga ŵakufwa chifukwa wakaŵa walusungu. Kweniso wakachitanga ivi kuti walongore kuti Adada ŵake ŵali kumupa nkhongono zakuwuska ŵakufwa.—Ŵazgani Yohane 5:21, 28, 29.

Ivyo Yesu wakachita pakuwuska ŵakufwa, vikutipa chigomezgo kuti wazamufiska ivyo wali kutilayizga. Wazamuwuska ŵakufwa ŵanandi. Wazamuwuskaso ŵanthu ŵakwananga awo ŵakamumanyanga yayi Chiuta waunenesko. Ŵanthu aŵa ŵazamupika mwaŵi kuti ŵamumanye Yehova na kumutemwa.—Ŵazgani Milimo 24:15.

 

Manyani Vinandi

Kasi Baibolo Likusambizgachi Chomenechomene?

Kasi Ŵakutemweka Ŵinu Awo Ŵali Kufwa Ŵazamuwuka?

Kasi ŵakutemweka ŵinu ŵali kufwa? Kasi vingachitika kuti muzakaŵawoneso? Sambirani vinandi chifukwa Baibolo likusambizga kuti ŵakufwa ŵazamuwuka.