Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA OCTOBER 2014

Mafumbo Agho Baibolo Likuzgora

Mafumbo Agho Baibolo Likuzgora

Chifukwa wuli tikwenera kulomba kuti Ufumu wa Chiuta wize?

Kasi mungatemwa kumanya vinandi vya Ufumu wa Chiuta kweniso ivyo uzamuchita?

Ufumu wa Chiuta ni boma la kuchanya. Yesu Khristu wakaphalira ŵalondezgi ŵake kuti ŵalombenge kuti Ufumu uwu wize. Wakaŵaphalira kuti ŵalombenge Ufumu uwu chifukwa ndiwo uzamuwezgerapo urunji na mtende pa charu chapasi. Palije boma la ŵanthu ilo lingamazgirathu nkhaza, vinthu vyambura urunji, na matenda. Kweni Ufumu wa Chiuta ndiwo uzamumazga vyose ivi. Chiuta wasora Mwana wake kuti waŵe Themba la Ufumu uwu. Yehova wasoraso ŵanthu ŵachoko waka pa ŵalondezgi ŵa Yesu kuti ŵakaŵe mafumu pamoza na Yesu mu Ufumu uwu.—Ŵazgani Luka 11:2; 22:28-30.

Sonosono apa, Ufumu uwu uparanyenge wose awo ŵakususka muwuso wa Chiuta. Ntheura para tikulomba kuti Ufumu wa Chiuta wize, tikukhumba kuti boma la Chiuta ili lizakanjire m’malo mwa maboma gha ŵanthu.—Ŵazgani Daniel 7:13, 14; Uvumbuzi 11:15, 18.

Chifukwa wuli ŵanthu ŵazamutumbikika na Ufumu wa Chiuta?

Yesu ngwakwenelera nadi kuŵa Themba, chifukwa ngwalusungu. Pakuti ni Mwana wa Chiuta, Yesu wali na nkhongono kovwira ŵanthu awo ŵakupempha wovwiri kwa Chiuta.—Ŵazgani Salmo 72:8, 12-14.

Wose awo ŵakulomba kufumira pasi pa mtima kuti Ufumu wa Chiuta wize, na awo ŵakuchita vinthu mwakukolerana na khumbo la Chiuta, ŵazamusanga chandulo na Ufumu uwu. Muzamudandawurapo yayi na nyengo iyo mukumalira pakusambira vya Ufumu wa Chiuta.—Ŵazgani Luka 18:16, 17; Yohane 4:23.

 

Manyani Vinandi

Kasi Ufumu wa Chiuta ni Vichi?

Ŵanthu ŵanandi ŵakulimanya Lurombo lwa Fumu. Kasi Mazgu ghakuti ‘Ufumu winu wize’ ghakung’anamura vichi?

Kasi Chiuta Wanganizgora Para Ningalomba?

Kasi Chiuta wakutipwelelera nadi?