Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA MAY 2014

Mafumbo Agho Baibolo Likuzgora

Mafumbo Agho Baibolo Likuzgora

Kasi ni njani wakulamulira caru?

Ciuta waŵenge kuti ndiyo wakulamulira caru, kasi mphanyi kuli masuzgo nthena?

Ŵanthu ŵanandi ŵakughanaghana kuti Ciuta waunenesko ndiyo wakulamulira caru ici. Kasi imwe mukughanaghana kuti waŵenge Ciuta, mphanyi pa caru pali masuzgo ghose agha? (Duteronome 32:4, 5) Baibolo likuti caru cose cili mu nkhongono za muheni.—Ŵazgani 1 Yohane 5:19.

Kasi cikacitika nchivici kuti muheni uyu wambe kulamulira ŵanthu? Pakwambilira, mungelo munyake wakagalukira Ciuta ndipo wakapusikaso Adamu na Eva kuti nawo ŵagalukire Ciuta. (Genesis 3:1-6) Ŵanthu aŵa ŵakasankha kupulikira Satana, mungelo wakugaluka uyu, ndipo ŵakazomera kuti waŵalongozgenge. Ciuta Wankhongonozose ndiyo ngwakwenelera kulamulira. Ndipouli, wakukhumba kuti ŵanthu ŵasankhe ulamuliro wake cifukwa cakuti ŵakumutemwa. (Duteronome 6:6; 30:16, 19) Kweni cacitima nchakuti, ŵanthu ŵanandi ŵasankha uheni nga umo ŵakacitira ŵanthu ŵakwambilira.—Ŵazgani Uvumbuzi 12:9.

Kasi ni njani uyo wazamumazga masuzgo gha ŵanthu?

Kasi Ciuta wazomerezgenge kuti Satana walutilire kulamulira ŵanthu? Yayi. Ciuta wazamutuma Yesu kuti wawuskepo masuzgo agho Satana wali kwambiska.—Ŵazgani 1 Yohane 3:8.

Ciuta wali kumupa mazaza Yesu kuti waparanye Satana. (Ŵaroma 16:20) Pamasinda, Ciuta wazamulamulira ŵanthu ndipo ŵazamukhala nga umo iyo wakakhumbiranga pakwamba.—Ŵazgani Uvumbuzi 21:3-5.

 

Manyani Vinandi

Kasi Chiuta Wakukhumba Kuti Vinthu Viŵe Wuli pa Charu Chapasi?

Kasi khumbo la Chiuta lakuti charu chizakaŵe paradiso lizamufiskika? Para ni nthena, pawuli?