Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA APRIL 2014

Mafumbo Agho Baibolo Likuzgora

Mafumbo Agho Baibolo Likuzgora

Kasi Yesu wazamucita vici kunthazi?

Mu 33 C.E., Yesu wakafwa, wakawuka na kukwera kucanya. Pamasinda, wakapika mazaza gha uthemba. (Daniel 7:13, 14) Kunthazi Yesu wazamucitapo kanthu kuti pa caru capasi paŵe mtende ndipo wazamumazga ukavu.—Ŵazgani Salmo 72:7, 8, 13.

Pakuŵa themba, Yesu wazamuwuskapo vinthu vyambura urunji pa caru

Pali vinandi ivyo Yesu wazamucita pakuŵa Themba. Pakuti wali na nkhongono, wazamuzgora ŵanthu kuti ŵaŵeso ŵarunji. Iwo ŵazamusangwa na umoyo ndipo ŵazamucekura yayi nesi kufwa.—Ŵazgani Yohane 5:26-29; 1 Ŵakorinte 15:25, 26.

Kasi Yesu wakucita vici pasono?

Yesu wakulongozga mulimo wa kupharazga uwo ŵalondezgi ŵake ŵakucita. Iwo ŵakuphalira ŵanthu ivyo Baibolo likuyowoya pa nkhani ya Ufumu wa Ciuta. Yesu wakati walutilirenge kovwira ŵasambiri ŵake mpaka apo Ufumu wa Ciuta uzamuparanyira maboma gha ŵanthu.—Ŵazgani Mateyu 24:14; 28:19, 20.

Kwizira mu mpingo Wacikhristu, Yesu wakovwira ŵanthu kuti ŵaŵe ŵakukondwa. Nakuti walutilirenge kuŵalongozga mpaka apo wazamuparanyira mgonezi uheni uwu na kuŵanjizga mu caru ciphya ico Ciuta walayizga.—Ŵazgani 2 Petrosi 3:7, 13; Uvumbuzi 7:17.

 

Manyani Vinandi

Kasi Ufumu wa Chiuta ni Vichi?

Ŵanthu ŵanandi ŵakulimanya Lurombo lwa Fumu. Kasi Mazgu ghakuti ‘Ufumu winu wize’ ghakung’anamura vichi?