Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA MARCH 2014

Mafumbo Ghazgoleka

Mafumbo Ghazgoleka

Kasi nyifwa ya Yesu yikutovwira wuli?

Ciuta wakalenga ŵanthu kuti ŵakhalenge kwamuyirayira pa caru capasi kwambura masuzgo nga ni matenda na nyifwa. Kweni Adamu wakati wananga, wakataya mwaŵi wakukhala kwamuyirayira. Pakuti tili mphapu ya Adamu tili kuhara nyifwa kufuma kwa iyo. (Ŵaroma 5:8, 12; 6:23) Yehova, Ciuta waunenesko wakatuma Mwana wake, Yesu pa caru capasi kuti wazakatiwombore.Ŵazgani Yohane 3:16.

Yesu wakafwa na cilato cakuti taŵanthu tazakaŵe na umoyo wamuyirayira. Kasi mukughanaghana kuti umoyo uzamuŵa wuli pa caru capasi?

Nyifwa ya Yesu yikovwira kuti zakwananga zithu zigowokereke kweniso kuti tiŵe na mwaŵi wa kuzakakhala kwamuyirayira. Baibolo likutiphalira makora umo umoyo uzamuŵira pa caru capasi para ucekuru, matenda na nyifwa vyamara.Ŵazgani Yesaya 25:8; 33:24; Uvumbuzi 21:4, 5.

Kasi tingakumbukira wuli nyifwa ya Yesu?

Pa usiku wakuti macero wafwenge, Yesu wakaphalira ŵalondezgi wake kuti pakukumbukira nyifwa yake ŵacitenge ciphikiro cipusu. Ici cikovwira kuti caka cilicose tighanaghanirenge citemwa ico Yehova na Yesu ŵali kutilongora.Ŵazgani Luka 22:19, 20; 1 Yohane 4:9, 10.

Caka cino Cikumbusko ca nyifwa ya Yesu cizamucitika pa Mande, 14 Epulero para dazi lanjira. Tikumucemani kuti muzakaŵepo ndipo mungazakacitira ku cigaŵa uko mukukhala.Ŵazgani Ŵaroma 1:11, 12.

 

Manyani Vinandi

Kukumbukira Nyifwa ya Yesu

Chaka chilichose ŵanthu ŵanandi ŵakuwungana kuti ŵakumbukire nyifwa ya Yesu. Tikumuchemani kuti muzakaŵepo pa zuŵa ili kuti muzakamanye kuzirwa kwa nyifwa ya Yesu kwa imwe.

Kasi Yesu Khristu Ni Njani?

Manyani ivyo vikulongora kuti Yesu ni Mesiya uyo Baibolo likayowoyerathu kuti wizenge, uko wakafuma, ndiposo chifukwa icho ni Mwana wapadera wa Yehova.

Sembe—Yakuwombora Ntchawanangwa Chapadera

Kasi sembe yakuwombora ni vichi? Sembe iyi yingamovwirani wuli?