Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Gongwe la Mulinda  |  January 2014

Mafumbo Ghazgoleka

Mafumbo Ghazgoleka

Kasi Ciuta ni munthu wamtundu wuli?

Ciuta ni munthu nga ndise yayi, cifukwa ni mzimu ndipo tingamuwona yayi. Ndiyo wakalenga kucanya, caru, na vyamoyo vyose. Palije uyo wakalenga Ciuta, iyo walije jando. (Salmo 90:2) Ciuta wakukhumba kuti ŵanthu ŵamupenje na kumumanya makora.—Ŵazgani Milimo 17:24-27.

Tingamumanya Ciuta na zina lake wuwo. Tingamanyaso mikhaliro yake mwakuwona ivyo wali kulenga. (Ŵaroma 1: 20) Kweni kuti timumanye makora, tikwenera kusambira Baibolo ilo ni Mazgu ghake. Baibolo likutimanyiska mikhaliro yake iyo yikulongora kuti ngwacitemwa.—Ŵazgani Salmo 103:7-10.

Kasi Ciuta wakujipulika wuli para wakuwona vinthu vyambura urunji?

Yehova, uyo ni Mlengi withu, wakutinkha vinthu vyambura urunji. Nakuti ŵanthu wali kuŵalenga mu cikozgo cake. (Duteronome 25:16) Lekani taŵanandi tikutinkha vinthu vyambura urunji. Ni Ciuta yayi uyo wakucitiska vinthu vyambura urunji ivyo tikuviwona. Ciuta wali kutilenga na wanangwa wakusankha. Kweni cacitima nchakuti ŵanandi ŵakucita makora yayi na wanangwa uwu. Ntheura ŵakukwenyerezga Yehova.—Ŵazgani Genesis 6:5, 6; Duteronome 32:4, 5.

Yehova wakutemwa urunji, ndipo walekelerenge yayi vinthu vyambura urunji kuti vilutilire. (Salmo 37:28, 29) Baibolo likutilayizga kuti sonosono apa Ciuta wamazgenge vinthu vyambura urunji.—Ŵazgani 2 Petrosi 3:7-9, 13.

Baibolo likuti sonosono apa, Ciuta wamazgenge vinthu vyambura urunji

 

Manyani Vinandi

Kasi Baibolo Likusambizgachi Chomenechomene?

Unenesko Wakuyowoya za Chiuta

Kasi mukuwona kuti Chiuta wakumupwelerani imwe pamwekha? Sambirani mikhaliro yake kweniso umo wangaŵira mubwezi winu.