Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

GONGWE LA MULINDA (LAKUSAMBIRA PA MPINGO) JULY 2015

Nkhorongo ya Biriya ku Galileya

Kasi Mukumanya?

Kasi Mukumanya?

Kasi ku Israyeli kukaŵa makuni ghanandi nga umo Baibolo likuyowoyera?

BAIBOLO likuti vigaŵa vinyake vya Charu cha Layizgano vikaŵa na makuni “ghanandi chomene.” (1 Mathe. 10:27; Josh. 17:15, 18) Kweni mazuŵa ghano charu ichi chilije makuni mu vigaŵa vinandi. Ntheura ŵanthu ŵanyake ŵakukayikira usange charu ichi chikaŵa na makuni ghanandi.

Vikuyu

Buku linyake likuti: “Kale ku Israyeli kukaŵa makuni ghanandi chomene kuluska mazuŵa ghano.” (Life in Biblical Israel) Mapiri ghanandi ghakaŵa na makuni nga mapayina, oku, na ghanyake ghanandi. Makuni ghanandi gha vikuyu ghakasangikanga ku Shefela, chigaŵa icho chikaŵa pakati pa mapiri na nyanja ya Meditereniyani.

Buku linyake likuti pasono malo ghanyake ku Israyeli ghalijirethu makuni. (Plants of the Bible) Kasi ghakamara wuli? Makuni ghakamaranga pachokopachoko. Buku ili likuti: “Ŵanthu ŵakadumuranga chomene makuni kuti ŵasange malo ghakuti ŵalimepo na kuliskako viŵeto. Kweniso ŵakadumuranga makuni kuti ŵazengere nyumba kweniso kuti ŵasangeko nkhuni.”