Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA (LAKUSAMBIRA PA MPINGO) JANUARY 2014

Ivyo Nkhasankha Apo Nkhaŵa Mwanici

Ivyo Nkhasankha Apo Nkhaŵa Mwanici

Apo nkhaŵa mwanici

Nkhaŵa na vyaka 10 mu 1985 apo ŵana ŵakufuma ku Cambodia ŵakiza pa sukulu yithu mu Columbus, Ohio, U.S.A. Mwana yumoza pa ŵana aŵa wakacimanyangako Cingelezi. Wakanilongosolera nkhani zakukhwaskana na ŵanthu awo ŵakatambuzgikanga, kukomeka, na ŵanji awo ŵakacimbiranga, ndipo pakunilongosolera wakanilongoranga vithuzithuzi. Usiku nkhaliranga para nakumbuka ŵana aŵa. Nkhakhumbanga kuŵaphalira vya cigomezgo ca Paradiso na ciwuka, kweni ŵakapulikanga yayi ciyowoyero cane. Nangauli nkhaŵa mwanici, nkhaghanaghana kuti nisambire ciyowoyero ca ku Cambodia kuti ŵana ŵa sukulu ŵanyane niŵaphalirengeko vya Yehova. Nkhamanyanga yayi kuti ivyo nkhasankha apa vinovwirenge comene munthazi.

Cikaŵa cakusuzga comene kusambira ciyowoyero ca ku Cambodia ici. Nkhakhumba kuleka kaŵiri kose, kweni Yehova wakanikhwimiska kwizira mu ŵapapi ŵane. Nyengo yikati yajumphapo, ŵasambizgi ŵane na ŵana ŵa sukulu ŵanyane ŵakamba kuniciska kuti nisambire nchito yapacanya. Kweni nkhakhumbanga kucita upayiniya, ndipo ku sekondare nkhasankha visambizgo ivyo vinganovwira kusanga nchito yakuti yinipenge mpata wakucitira upayiniya. Para nawera ku sukulu, nkhalutanga mu upharazgi na ŵapayiniya ŵanyake. Kweniso nkhasambizganga ŵana ŵa sukulu ŵanyake Cingelezi. Ivi vikazakanovwira comene.

Apo nkhaŵa na vyaka 16, nkhapulika vya gulu la ciyowoyero ca Cikambodiya ilo likaŵa ku Long Beach, California, U.S.A. Nkhakacezgapo na gulu ili, ndipo nkhasambira kuŵazga ciyowoyero ici. Nkhati namalizga sukulu, nkhamba kucita upayiniya ndipo nkhapharazgiranga ŵanthu ŵa ku Cambodia awo ŵakakhalanga kufupi na kukwithu. Apo nkhafiskanga vyaka 18, nkhaghanaghana vya kusamira ku Cambodia. Kukaŵa kuti kucali kwakofya, kweni nkhamanyanga kuti pa ŵanthu 10 miliyoni ŵa ku Cambodia, ŵacoko waka ndiwo ŵakaŵa kuti ŵali kupulikapo makani ghawemi gha Ufumu. Pa nyengo iyi, mu caru cose ici mukaŵa mpingo umoza pera wa ŵapharazgi 13. Nkhaluta ku Cambodia kakwamba apo nkhaŵa na vyaka 19. Pakati pajumpha vyaka viŵiri, nkhasamira mu caru ici. Nkhasanga nchito ya nyengo yicoko ya kung’anamura na kusambizga Cingelezi kuti nijiwovwirenge pakucita uteŵeti wane. Nyengo yikati yajumphapo nkhatora mwanakazi uyo wakaŵa na vilato vyakuyana na vyane. Tose taŵaŵiri, tawovwira ŵanthu ŵanandi ŵa ku Cambodia kuti ŵapatulire umoyo wawo kwa Ciuta.

Yehova wanipa ivyo ‘mtima wane ukukhumbiska.’ (Sal. 37:4) Nchito ya kuzgora ŵanthu kuŵa ŵasambiri njakukondweska comene kuluska nchito zose. Mu vyaka 16 ivyo nakhala mu Cambodia, nawona gulu la ŵateŵeti ŵa Yehova ŵakukwana 13 lira likukura, ndipo sono muli mipingo 12 na magulu 4.—Yikayowoyeka na Jason Blackwell.