Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA NA. 3 2016

Zina la Chiuta umo likalembekera pa mupukutu unyake wa Baibolo

Kasi Baibolo Likuti Wuli?

Kasi Baibolo Likuti Wuli?

Kasi Chiuta wali na zina?

ANTHU ŴANYAKE ŴAKUTI Chiuta walije zina ndipo ŵanyake ŵakuti zina lake ni “Chiuta” panji “Fumu.” Kweni ŵanyake ŵakuti Chiuta wali na mazina ghanandinandi. Kasi imwe mukuti wuli?

IVYO BAIBOLO LIKUYOWOYA

“Imwe, mwaŵeneimwe zina linu ni Yehova, ndimwe mwekha Wapachanya Nkhanira pa charu chose chapasi.”—Salimo 83:18.

NI VICHI VINYAKE IVYO TIKUSAMBIRA MU BAIBOLO?

  • Nangauli Chiuta wali na mazina ghanandi ghantchindi, kweni zina lake leneko ndimoza pera.—Ekisodo 3:15.

  • Chiuta ngwakuti tingatondeka yayi kumumanya, nakuti iyo wakukhumba kuti timumanye.—Milimo 17:27.

  • Tingaŵa paubwezi na Chiuta usange tikumanya zina lake.—Yakobe 4:8.

Kasi nkhwananga kuzunura zina la Chiuta?

KASI MUNGATI?

  • Enya

  • Yayi

  • Panyake

IVYO BAIBOLO LIKUYOWOYA

“Ungazunuranga mwambura kwenelera chara zina la Yehova Chiuta wako.” (Ekisodo 20:7) Ntheura kungaŵa kwananga pekha para munthu wakuzunura zina la Chiuta mwamuyuyuro.—Yeremiya 29:9.

NI VICHI VINYAKE IVYO TIKUSAMBIRA MU BAIBOLO?

  • Yesu wakalimanyanga zina la Chiuta kweniso wakalizunuranga.—Yohane 17:25, 26.

  • Chiuta wakukhumba kuti para tikumuchema, tizunurenge zina lake.—Salimo 105:1.

  • Ŵalwani ŵakuluwiska ŵanthu zina la Chiuta.—Yeremiya 23:27.

 

Manyani Vinandi

Kasi Chiuta Wali na Zina?

Chiuta wali na mazina ghanandi gha udindo, iyo ni Chiuta Wankhongonozose, Mlengi na Fumu. Kweni zina la Chiuta likusangika m’malo ghakukwana 7,000 mu Baibolo.

Unenesko Wakuyowoya za Chiuta

Kasi mukuwona kuti Chiuta wakumupwelerani imwe pamwekha? Sambirani mikhaliro yake kweniso umo wangaŵira mubwezi winu.