Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Gongwe la Mulinda  |  Na. 6 2017

 NKHANI YA PA CHIKOPI | KASI NTCHAWANANGWA WULI ICHO CHIKULUSKA VYOSE?

“Chikaŵa Chawanangwa Chakuzirwa Chomene”

“Chikaŵa Chawanangwa Chakuzirwa Chomene”

Msungwana wa vyaka 13 ndiyo wakayowoya mazgu agha wati wapika kantcheŵe. Mwanakazi munyake uyo wakuchita bizinesi wakati kompyuta iyo adada ŵake ŵakamupa apo wakaŵa ku sekondare yikamovwira chomene. Mwanalume munyake wakati kadi ilo muwoli wake wakamupa ŵati ŵamara chaka pa nthengwa ndilo likaŵa chawanangwa chakuzirwa chomene.

Chaka chilichose, ŵanthu ŵakutangwanika chomene kupenja chawanangwa chiwemi kuti ŵakapeleke kwa munyawo panji mubali wawo. Ŵanandi ŵakutemwa kuti ŵanyawo ŵaŵawongenge para ŵapeleka chawanangwa. Imwe ke? Kasi mungatemwa kuti mupelekenge panji kupika vyawanangwa vyapanyengo yake?

Munthu wakuŵa wakukondwa para wamanya kuti uyo wamupokera chawanangwa wamukondwa. Baibolo likuti: “Uyo wakupeleka wakukondwa chomene kuluska uyo wakupokera.” (Milimo 20:35) Nakuti tikukondwa chomene para uyo tamupa nayo wakuchizirwiska.

Kasi mungachita wuli kuti imwe na uyo wamupokera chawanangwa muŵenge ŵakukondwa? Usange mungafiska yayi kupeleka chawanangwa chiwemi chomene, kasi mungachita wuli kuti uyo mwamupa wawongenge nipera?