Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Gongwe la Mulinda  |  Na. 4 2017

Ŵanthu ŵanandi ŵakugomezga kuti umoyo wa munthu ukufwa yayi

 NKHANI YA PA CHIKOPI | IVYO BAIBOLO LIKUYOWOYA PA NKHANI YA UMOYO NA NYIFWA

Fumbo Ilo Lahangayiska Ŵanthu Ŵanandi

Fumbo Ilo Lahangayiska Ŵanthu Ŵanandi

ŴANTHU ŵali na maghanoghano ghakupambana ghakukhwaskana na umoyo na nyifwa. Ŵanji ŵakugomezga kuti para ŵazakafwa ŵamulutilira kuŵa na umoyo kunyake. Apo ŵanyake ŵakugomezga kuti para ŵazakafwa, ŵamubabikaso kunyake. Ndipo ŵanji ŵakugomezga kuti nyifwa mbumaliro wa vyose.

Kuyana na uko muli kukulira kweniso mtundu winu, panji namwe muli na maghanoghano ghinu pa nkhani iyi. Pakuti ŵanthu ŵakugomezga vyakupambana pa nkhani iyi, ipo kasi ni nkhu uko tingasanga mazgoro ghakukhorweska?

Kwa vyaka vinandi, ŵalongozgi ŵamatchalitchi ŵakusambizga kuti munthu wali na mzimu uwo ukufwa yayi. Ŵakhristu, Ŵahindu, Ŵayuda, Ŵasilamu, na ŵanyake ŵanandi ŵakugomezga kuti pali kanyake ako kakulutilira kuŵa na umoyo para munthu wafwa. Ŵabuda ŵakugomezga kuti para munthu wafwa, wakubabikaso na kukakhala ku malo ghanyake ghawemi chomene ghakuchemeka Nirvana.

Ntheura ŵanthu ŵanandi ŵakugomezga kuti nyifwa ni nthowa yakulutira ku charu chinyake. Lekani ŵanandi ŵakuwona kuti nyifwa ni sitepu lakuzirwa chomene ndipo ŵakuti Chiuta ndiyo wakupangiska. Kweni kasi Baibolo likuti wuli? Ŵazgani nkhani yakulondezgapo kuti musange zgoro.