Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

GONGWE LA MULINDA (LAKUSAMBIRA PA MPINGO) JANUARY 2017

Kasi Mukumanya?

Kasi Mukumanya?

Kasi kale ŵakanyamuranga wuli moto?

PA Genizesi 22:6 pakuyowoya kuti, pakuluta kukapeleka sembe ku malo ghakutali, Abrahamu “wakatora nkhuni zakuwotchera sembe na kumuthwikiska mwana wake Yisake. Iyo wakanyamura moto na chimayi mu mawoko ghake. Ndipo wose ŵaŵiri ŵakaluta.”

Mu Baibolo, palije apo pakuyowoya umo kale ŵakanyamuliranga moto. Munthu munyake wakati kale vikaŵa vyakusuzga chomene kuti munthu wanyamure moto ulendo utali nga uwo Abrahamu na Yisake ŵakendera. Lekani tingati iwo ŵakanyamuranga waka vyakukapembera moto.

Kweni ŵanyake ŵakuti kale chikaŵa chakusuzga chomene kupemba moto. Vikaŵangako makora kupara waka moto pa nyumba zapafupi kuluska kupemba moto. Lekani ŵanthu ŵanandi ŵakusambira ŵakugomezga kuti Abrahamu wakanyamura moto padengere, panji mu kamuphika ako wakakakako tcheni. Mu kamuphika aka wakaŵikamo makara gha moto. (Yes. 30:14) Para moto ukakhumbanga kuzimwa, ŵakaŵikangapo tunkhuni m’paka ŵakafike uko ŵakukhumba.