Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Ufumu wa Chiuta Ukuwusa!

Kumazere: Ŵawungana pawaro, ku London, England, 1945; Kumalyero: Ungano wapadera mu Malawi, Africa, 2012

 CHIGAŴA 5

Masambiro gha Ufumu—Kusambizga Ŵateŵeti ŵa Themba

Masambiro gha Ufumu—Kusambizga Ŵateŵeti ŵa Themba

 NKHANI yili mukati, ndipo mukumwemwetera kumupa nkhongono muyowoyi. Uyo wakuyowoya ni mubali muwukirano wa mpingo winu. Aka nkhakwamba kuyowoya nkhani pa ungano wa dera. Wakulutilira kuyowoya, ndipo mukughanaghanira umo ŵanthu ŵa Chiuta ŵakusambizgikira. Mukukumbuka umo mubali uyu wakayowoyera nkhani yake yakwamba pa mpingo, kweni sono wafika patali! Kuti wafike apa ntchifukwa cha Sukulu ya Uteŵeti wa Chiuta, kweniso wakaluta ku Sukulu ya Uteŵeti wa Upayiniya. Sonosono apa, iyo na muwoli wake ŵakasambirako Sukulu ya Ŵapharazgi ŵa Ufumu. Mubali wati wamalizga kuyowoya, mukukuŵa mapi na kulaŵiska ŵanyinu, muchali kunotha chifukwa chakuti ŵanthu ŵa Chiuta ŵakusambizgika makora chomene.

Baibolo likayowoya kale kuti yikwanenge nyengo, apo ŵanthu ŵa Chiuta wose ‘ŵasambizgikenge na Yehova.’ (Yes. 54:13) Nyengo yake njeneyiyi. Yehova wakutisambizga na mabuku pera yayi. Paliso maungano gha mpingo, gha dera, gha chigaŵa na masukulu agho ghakutovwira kuti tichite makora ntchito zakuzirwa mu gulu lake. Mu chigaŵa ichi, tiwonenge umo masukulu ghose agha ghakulongolera kuti Ufumu wa Chiuta ukuwusa.