Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Ufumu wa Chiuta Ukuwusa!

Kasi mungatemwa kuwona umo Ufumu ufiskirenge ivyo walayizga?

 CHIGAŴA 7

Malayizgo gha Ufumu—Kupanga Vinthu Vyose Kuŵa Viphya

Malayizgo gha Ufumu—Kupanga Vinthu Vyose Kuŵa Viphya

 JITORANI kuti muli mu munda mukutondora vipambi. Mbwenu mukutondora chipambi chakuphya makora. Mukunuska dankha, ndipo mukusanga kuti chikununkhira makora, mbwe mukuchiŵika mu chidunga. Nangauli mwamba mbere kugwira ntchito, nkhongono zichali ndipo muchali kugwira. Amama ŵinu nawo ŵali musi mu khuni linyake. Nawo ŵakugwira ntchito na kuchezga na ŵabali ŵinu kweniso ŵabwezi. Wose aŵa ŵakumovwirani ntchito. Anyinamwe mbasungwana, nga umo ŵakaŵira kale chomene apo imwe mukaŵa ŵanichi. Nangauli mukaŵawona ŵakuchekura mu charu chakale, vyose vyaluwika sono. Nyengo iyo ŵakalwara chomene, ndipo ŵakafwira mu mawoko ghinu. Chitima chikakweraso ku dindi, ndipo mukalira chomene. Kweni sono mbamoyo! mbankhongono, pamoza na ŵabwezi ŵanandi!

Ivi vichitikenge nadi; tikukayika cha! Tikukhorwa chifukwa ivyo Chiuta wayowoya vikufiskika nyengo zose. Mu chigaŵa ichi, tisambirenge umo malayizgo ghanyake gha Ufumu ghafiskikirenge, ndipo kufuma apo, Haramagedoni yambenge. Kweniso tiwonenge umo Ufumu ufiskirenge malayizgo ghanyake ghakukondweska. Nyengo iyo, tizamukondwa kuwona kuti Ufumu ukuwusa charu chose, na kupanga vinthu vyose kuŵa viphya!