Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Sambizgani Ŵana Ŵinu

 SAMBIRO 13

Timote Wakakhumbanga Kovwira Ŵanthu

Timote Wakakhumbanga Kovwira Ŵanthu

Timote wakakondwanga kovwira ŵanthu. Wakalutanga ku malo ghanandi kuti wakawovwire ŵanthu. Lekani wakaŵa wakukondwa. Kasi ukukhumba kupulika nkhani iyi?—

A nyina na a gogo ŵa Timote ŵakamusambizga vya Yehova

Timote wakakulira mu msumba wa Lisitira. A gogo ŵake a Loyisi na amama ŵake a Yunike, ŵakamba kumusambizga vya Yehova kufuma apo wakaŵa mwana. Apo Timote wakakuranga, wakakhumbanga kovwira ŵanthu kuti ŵamanye Yehova.

Apo Timote wakaŵa munyamata, Paulosi wakamupempha kuti ŵalutire lumoza kukapharazga ku malo ghanyake. Timote wakazomera. Wakaŵa wakunozgeka kuluta kukawovwira ŵanthu.

 Timote wakaluta na Paulosi ku Tesalonika mu caru ca Girisi. Kuti ŵakafike ku malo agha, ŵakeneranga kwenda pasi mtunda utali na kukwera boti. Ŵati ŵafika, ŵakawovwira ŵanthu ŵanandi kumanya Yehova. Kweni ŵanthu ŵanyake ŵakakwiya ndipo ŵakakhumbanga kuŵatimba. Pa cifukwa ici, Paulosi na Timote ŵakafumako. Ŵakaluta kukapharazga ku malo ghanyake.

Timote wakaŵa wakukondwa

Pati pajumpha nyengo, Paulosi wakatuma Timote kuti waluteso ku Tesalonika kuti wakawone umo ŵabali ŵakucitira. Timote wakeneranga kuŵa wambura wofi kuti waluteso ku msumba wakofya uwu. Kweni Timote wakaluta cifukwa wakafipiranga mtima ŵabali ŵa mu msumba uwu. Wakawerako na makani ghawemi. Ŵabali ŵa ku Tesalonika wakacitanga makora comene.

Timote wakateŵetera na Paulosi vyaka vinandi. Paulosi wakalemba kuti palije munyake uyo wangamutuma padera pa Timote kuti wakawovwire mipingo. Timote wakatemwanga Yehova na ŵanthu.

Kasi ukutemwa ŵanthu ndipo ukukhumba kuŵawovwira kuti ŵamanye Yehova?— Para ukucita nthena, uŵenge wakukondwa nga ni Timote!