Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Ivyo Mungasambira mu Baibolo

Mazgu Ghakwamba gha Chigaŵa 8

Mazgu Ghakwamba gha Chigaŵa 8

Yehova wakatumbika Solomoni, wakamupa vinjeru vinandi na mwaŵi wa kuzenga tempile, kweni pamanyuma wakamutaya Yehova. Usange ndimwe mupapi, mulongosolerani mwana winu umo ŵanthu ŵakusopa ŵachiuta ŵatesi ŵakamunangira Solomoni kuti waleke Chiuta. Ufumu ukagaŵikana, ndipo mafumu ghaheni ghakachitiska ŵanthu kugaluka na kusopa ŵangoza. Pa nyengo iyi, ntchimi zakugomezgeka za Yehova ŵakazisuzganga na kuzikoma. Fumukazi Yezebeli yikapangiska ŵanthu ŵa mu ufumu wakumpoto kugaluka chomene. Yikaŵa nyengo yiheni chomene ku Ŵaisrayeli. Kweni nipera ŵakaŵapo ŵateŵeti ŵanandi ŵa Yehova awo ŵakaŵa ŵakugomezgeka pakati pa Ŵaisrayeli, nga ni Fumu Yehoshafati na ntchimi Eliya.

MU CHIGAŴA ICHI

Tempile la Yehova

Chiuta wakakondwa na pempho la Fumu Solomoni ndipo wakayipa vinthu vinandi.

Ufumu Ukagaŵikana

Ŵaisrayeli ŵanandi ŵakaleka kuteŵetera Yehova.

Ivyo Vikachitika pa Phiri la Karimeli

Kasi Chiuta waunenesko ni njani? Yehova panji Baala?

Yehova Wakamupa Nkhongono Eliya

Kasi ukughanaghana kuti nawe wangakupa nkhongono?

Mwana wa Chokoro Wakaŵaso Wamoyo

Minthondwe yiŵiri iyo yikachitika mu nyumba yimoza!

Fumukazi Yiheni Yikalangika

Yezebeli wakakomeska Naboti kuti wibe munda wake wa mpheska! Yehova wakawona uheni uwo Yezebeli wakachita.

Yehova Wakavikilira Yehoshafati

Ŵalwani ŵakati ŵiza kuti ŵapoke Yuda, fumu yiwemi Yehoshafati wakapempha wovwiri kwa Chiuta.