Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Ndondomeko ya Ungano ya 2017

Kwa Awo Ŵiza pa Ungano

Kwa Awo Ŵiza pa Ungano

MAUNGANO GHAPADERA

UTEŴETI WA PA BETELI Ŵapharazgi ŵakubatizika, ŵa vyaka 35 kukhilira pasi, ndipo ŵakukhumba kukateŵetera pa Beteli, ŵazakaŵepo pa ungano wa awo ŵakukhumba uteŵeti wa pa Beteli pa Zuŵa Lakwamba muhanya. Malo na nyengo iyo ungano uwu wamuchitikira viyowoyekenge.

SUKULU YA ŴAPHARAZGI ŴA UFUMU Ŵapayiniya ŵa vyaka vyapakati pa 23 na 65, awo ŵakukhumba kusazgirako uteŵeti wawo, ŵakuchemeka ku ungano wa awo ŵakukhumba kuluta ku Sukulu ya Ŵapharazgi ŵa Ufumu pa Zuŵa Lachiŵiri muhanya. Malo na nyengo iyo ungano uwu wamuchitikira viyowoyekenge.

 KWA AWO ŴIZA PA UNGANO

ŴALINDA Ŵalinda ŵalipo kuti ŵamovwirani. Koleranani nawo chomene. Pulikirani para ŵakumuphalirani apo mungimika vyakwendapo, umo mungendera, kusunga malo, na nkhani zinyake.

UBATIZO Awo ŵabatizikenge ŵakwenera kuzakakhala pa malo agho ŵaŵasungira pambere nkhani ya ubatizo yindambe pa Zuŵa Lachiŵiri mulenji. Waliyose wazakize na malaya ghakwenelera agho wazamuvwara pakubatizika.

VYAKUPELEKA Ndalama zinandi zagwira ntchito kuti paŵe malo ghakukhala ghawemi, vyakukuzgira mazgu, masikilini agho tiwonelerengepo mavidiyo, na vinyake ivyo viwovwirenge kuti ungano uwu uŵe wakunozga mwakuti tiŵe paubwezi na Yehova. Vyawanangwa ivyo mukupeleka vikovwira kulipilira vinthu ivi kweniso vikovwira pa ntchito ya pa charu chose. Mabokosi ghakuponyamo vyawanangwa ghaŵikika mu malo ghanandi pa malo ghano. Mukuwongeka chomene chifukwa cha vyawanangwa ivyo mukupeleka. Wupu Wakulongozga ukumuwongani chifukwa cha kovwirapo pa vinthu vya Ufumu.

CHIPATALA Kumbukani kuti chipatala ichi ntchakovwira pa VINTHU IVYO VYACHITIKA MWAMABUCHI PERA.

VYAKUZGEŴA NA VYAKUSANGIKA Vinthu vyose ivyo mwasora mukwenera kuvipeleka ku Dipatimenti ya Vyakuzgeŵa na Vyakusangika. Usange mwataya chinthu chilichose, lutani ku dipatimenti iyi na kulongosora umo chinthu chinu chiliri. Ŵana awo ŵazgeŵa tilute nawo ku dipatimenti iyi. Kweni dipatimenti iyi njakusungirako ŵana yayi. Pwelelerani ŵana ŵinu, ndipo khalani nawo pamoza.

KUSUNGA MALO Ghanaghanirani ŵanyinu. Manyani kuti mungasungira malo awo mukwenda nawo mu galimoto yinu, awo mukukhala nawo mu nyumba yimoza, panji awo mukusambira nawo Baibolo. Lekani kuŵika vinthu pa malo apo mukhalengepo yayi.

UTEŴETI WAKUJIPELEKA Usange mukukhumba kuti movwirepo pa ntchito zinyake pa ungano uwu, lutani ku Dipatimenti ya Uteŵeti Wakujipeleka.

Wanozgeka na Wupu Wakulongozga wa Ŵakaboni ŵa Yehova