Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Mungaŵa Ŵakukondwa mu Mbumba Yinu

 CIGAŴA 9

Sopani Yehova mu Mbumba Yinu

Sopani Yehova mu Mbumba Yinu

“Sopani Uyo wakalenga kucanya na caru capasi.”—Uvumbuzi 14:7

Nga umo mwasambilira mu burosha ili, mu Baibolo muli fundo zinandi izo zimovwiraninge imwe na mbumba yinu. Yehova wakukhumba kuti mukondwenge. Wakulayizga kuti usange mukupenja dankha ufumu wake, ‘vinthu vinyake vyose visazgikengeko kwa imwe.’ (Mateyu 6:33) Wakukhumbisiska kuti muŵe mubwezi wake. Citani vyose ivyo mungafiska kuti waŵe mubwezi winu. Palije cinthu cinyake ico cingaluska kuŵa mubwezi wa Ciuta.—Mateyu 22:37, 38.

 1 KHOZGANI UBWEZI WINU NA YEHOVA

IVYO BAIBOLO LIKUYOWOYA: “‘Nizamuŵa wiskemwe, ndipo imwe muzamuŵa ŵana ŵane ŵasepuka na ŵasungwana,’ wakuti Yehova.” (2 Ŵakorinte 6:18) Ciuta wakukhumba kuti imwe muŵe mubwezi wake wapamtima. Cinthu cimoza ico cingamovwirani kuti mukhozge ubwezi winu na Ciuta ni lurombo. Yehova wakumupemphani kuti ‘mulombenge kwambura kuleka.’ (1 Ŵatesalonika 5:17) Yehova ngwakukhumbisiska kupulika ivyo vili ku mtima winu. (Ŵafilipi 4:6) Para mukulomba na mbumba, ŵana ŵinu ŵawonenge kuti mukugomezga kuti Ciuta waliko.

Padera pa kuyowoya na Ciuta, mukweneraso kutegherezga kwa iyo. Mukutegherezga kwa Ciuta para mukusambira Mazgu ghake na mabuku ghanyake agho ghakulongosora Baibolo. (Salmo 1:1, 2) Ghanaghaniranipo ivyo mwasambira. (Salmo 77:11, 12) Mukutegherezgaso kwa Ciuta para mukuluta ku maungano gha mpingo nyengo zose.—Salmo 122:1-4.

Cinthu cinyake ico mungacita kuti mukhozge ubwezi winu na Yehova nkhuphalirako ŵanyinu vya iyo. Para mukupharazga nyengo zose, mukwamba kujiwona kuti muli nayo pafupi comene.—Mateyu 28:19, 20.

IVYO MUNGACITA:

  • Mupaturenge nyengo zuŵa lililose kuti muŵazge Baibolo na kulomba pamoza

  • Vinthu vyauzimu viŵenge pakwamba mu mbumba yinu, m’malo mwa vyakusanguluska

2 MUSOPENGE NA MBUMBA YINU

IVYO BAIBOLO LIKUYOWOYA: “Sendelerani kwa Ciuta, ndipo iyo wasendelerenge kwa imwe.” (Yakobe 4:8) Mukwenera kupatura nyengo sabata yiliyose kuti musambirenge vya Ciuta na mbumba yinu. (Genesis 18:19) Kweni pali vinandi ivyo vikukhumbikwa. Kumuluwa yayi Ciuta pa vyose ivyo mukucita zuŵa na zuŵa. Wovwirani ŵamumbumba yinu kuti ŵaŵe ŵabwezi ŵa Ciuta. Mungacita nthena usange mukuyowoya nawo vya Yehova ‘para mwakhala mu nyumba yinu, para mukwenda mu nthowa, para mwagona pasi, na para mwawukapo.’ (Duteronome 6:6, 7) Yezgani Joshua uyo wakati: ‘Ine na nyumba yane titeŵeterenge Yehova.’—Joshua 24:15.

IVYO MUNGACITA:

  • Muŵe na ndondomeko yakukhazikika kuti musambirenge na mbumba yinu, ndipo pakusankha ivyo musambirenge mukwenera kughanaghanira waliyose mu mbumba

Manyani Vinandi

MBANJANI ŴAKUCHITA KHUMBO LA YEHOVA MAZUŴA GHANO?

Kasi Nyengo Yakusopera ya Mbumba Ni Vichi?

Wonani umo namwe vingamovwilirani kuti muŵe ŵabwezi ŵa Chiuta kweniso kuti mutemwanenge mu mbumba yinu.

Kasi Baibolo Likusambizgachi Chomenechomene?

Umo Mungachitira Kuti Muŵe Ŵakukondwa mu Banja Linu

Ŵafumu, ŵawoli, ŵapapi, na ŵana ŵangasambirako kwa Yesu pa nkhani ya chitemwa icho wakalongora. Kasi tikusambirako vichi kwa Yesu?